- પ્રખ્યાત ચારધામ યાત્રા હવે તેના અંત તરફ
- 18 સપ્ટેમ્બરથી ચારધામ યાત્રાનો પ્રારંભ થયો
- કેદારનાથ ધામમાં ચારે બાજુ બરફની ચાદર પથરાય
દેહરાદૂનઃ પ્રખ્યાત ચારધામ યાત્રા(Chardham Yatra) હવે તેના અંત તરફ છે. ગત 18 સપ્ટેમ્બરથી ચારધામ યાત્રાનો પ્રારંભ થયો હતો. જે આગામી 20 નવેમ્બરે પૂર્ણ થશે. અત્યાર સુધીમાં ત્રણ લાખથી વધુ શ્રદ્ધાળુઓ ચારધામના દર્શન (Darshan of Chardham)કરી ચુક્યા છે. આજે સાંજે 4 વાગ્યા સુધી કુલ 16,439 ભક્તોએ ચારે ધામના દર્શન કર્યા હતા.
ચાર ધામની યાત્રાના લાખો ભક્તોએ દર્શન કર્યા
25 ઓક્ટોબરે સાંજે 4 વાગ્યા સુધી 5,122 ભક્તોએ બદ્રીનાથ ધામ(Badrinath Dham), 7,546 (હેલી યાત્રી સહિત) કેદારનાથ ધામ(Kedarnath Dham)માં, 1,200 ગંગોત્રી ધામ(Gangotri Dham)માં અને 2,571 યમુનોત્રી ધામ(Yamunotri Dham)ના દર્શન કર્યા છે. આજે કુલ 16,439 મુલાકાતીઓએ ચાર ધામની મુલાકાત લીધી હતી. 18 સપ્ટેમ્બરથી 25 ઓક્ટોબર સાંજે 4 વાગ્યા સુધી કુલ 3,10,804 યાત્રાળુઓએ મુલાકાત લીધી છે.
ચાર ધામોના દરવાજા બંધ કરવાની તારીખ જાહેર કરી
સૌથી પહેલા ચારધામના ગંગોત્રી ધામના દરવાજા 5 નવેમ્બરે બંધ કરવામાં આવશે. 6 નવેમ્બરે યમુનોત્રી ધામના દરવાજા શિયાળા માટે બંધ રહેશે. તે જ સમયે, શિયાળા માટે કેદારનાથના દરવાજા 6 નવેમ્બરે અને ભગવાન બદ્રી વિશાલના દરવાજા 20 નવેમ્બરે બંધ રહેશે.
પંચ કેદારના દરવાજા બંધ કરવાની તારીખ પણ જાહેર
આ ઉપરાંત પંચ કેદારના દરવાજા બંધ કરવાની તારીખ પણ જાહેર કરવામાં આવી છે. 22 નવેમ્બરે મદમહેશ્વરના દ્વાર બંધ કરવામાં આવશે. જ્યારે 25 નવેમ્બરે મદમહેશ્વર મેળો ભરાશે. 30 ઓક્ટોબરે તુંગનાથ ધામના દરવાજા બંધ કરવામાં આવશે. જણાવી દઈએ કે 17 ઓક્ટોબરે શિયાળા માટે રુદ્રનાથ ધામના દરવાજા બંધ કરી દેવામાં આવ્યા છે.
કેદારનાથ ધામમાં બરફની ચાદર
કેદારનાથ ધામમાં રવિવારે હિમવર્ષા થઈ હતી. જેના કારણે સમગ્ર કેદાર ધામમાં હળવો બરફ જમા થયો છે. હેલિકોપ્ટર સેવા પણ રાબેતા મુજબ ચાલી રહી છે. હેલિપેડ અને રસ્તા પરથી બરફ સાફ કરવામાં આવ્યો હતો. હિમવર્ષા બાદ ધામમાં ઠંડી પડી રહી છે. લોકો બોનફાયરનો આશરો લઈ રહ્યા છે. આ સાથે જ હિમવર્ષા બાદ વાતાવરણ ખુશનુમા બની ગયું છે.
આ પણ વાંચોઃ IPLમાં અમદાવાદ અને લખનઉ ટીમની એન્ટ્રી, ખરબોમાં લાગી બોલી...
આ પણ વાંચોઃ નીતિન ગડકરીએ ગુજરાતની કંપની બંધ થવા અંગે કહી આ વાત, વાંચો તેમનો ખાસ ઇન્ટરવ્યુ...
