ચંદીગઢ: પંજાબમાં ઈન્ટરનેટ સેવાઓ મંગળવારે બપોરે 12 વાગ્યા સુધી સ્થગિત કરવામાં આવી છે. આ મામલે એડવોકેટ જગમોહન ભાટીએ પંજાબ હરિયાણા હાઈકોર્ટમાં અરજી દાખલ કરી છે. હવે આ મુદ્દે હાઈકોર્ટમાં સુનાવણી થઈ શકે છે.
2 દિવસથી ઈન્ટરનેટ સેવાઓ સ્થગિત: પંજાબ સરકારે ખાલિસ્તાની સમર્થક અમૃતપાલ અને તેના સહયોગીઓ વિરુદ્ધ યુદ્ધ સ્તરની કાર્યવાહી શરૂ કરી, ત્યારે અમૃતપાલના ઘણા સહયોગીઓએ સોશિયલ મીડિયા પર લાઈવ થઈને લોકોને ઉશ્કેરવાનો પ્રયાસ કર્યો હતો. આ પછી રાજ્યમાં સ્થિતિ ખરાબ ન થાય તો પોલીસે ઈન્ટરનેટ અને મેસેજ સેવા બંધ કરી દીધી હતી. જે મંગળવાર 12 વાગ્યા સુધી સ્થગિત રહેશે.
સોશિયલ મીડિયા પ્લેટફોર્મનો ઉપયોગ: ગૃહ વિભાગના અધિક મુખ્ય સચિવ દ્વારા જારી કરાયેલા આદેશ અનુસાર, બ્રોડબેન્ડ સેવાઓ સ્થગિત કરવામાં આવી રહી નથી જેથી બેંકિંગ સુવિધાઓ, હોસ્પિટલ સેવાઓ અને અન્ય આવશ્યક સેવાઓ ખોરવાઈ ન જાય. પંજાબ સરકારના નિવેદનમાં કહેવામાં આવ્યું છે કે સમાજના અમુક વર્ગો જાહેર વ્યવસ્થા માટે જોખમ ઊભું કરે તેવી શક્યતા છે અને તેઓ તેમની રાષ્ટ્રવિરોધી પ્રવૃત્તિઓને એકત્ર કરવા સોશિયલ મીડિયા પ્લેટફોર્મનો વ્યાપક ઉપયોગ કરે છે.
આ પણ વાંચો: Amritpal Search Operation: ભાગેડુ અમૃતપાલની ધરપકડ માટે ત્રીજા દિવસે સર્ચ ઓપરેશન યથાવત
ખોટી અફવાઓને રોકવા લેવાયો નિર્ણય: સમાજના કેટલાક વર્ગો રાજ્યમાં અનેક સ્થળોએ વિરોધ પ્રદર્શન કરી રહ્યા છે અને હિંસા ભડકાવવાથી જાહેર વ્યવસ્થા જોખમાય તેવી શક્યતા છે. સમાજના આ વર્ગો સોશિયલ મીડિયા પ્લેટફોર્મ જેમ કે ફેસબુક, ટ્વિટર, ઇન્સ્ટાગ્રામ, વોટ્સએપ વગેરેનો વ્યાપકપણે ઉપયોગ કરે છે. આ ભડકાઉ સામગ્રીનો ઉપયોગ રાષ્ટ્રવિરોધી પ્રવૃત્તિઓ માટે સંસાધનો, વિરોધીઓના ટોળાને ઉશ્કેરવા માટે કરે છે. જેના થકી રાજ્યમાં સ્થિતિ ખરાબ ન થાય તો ઈન્ટરનેટ અને મેસેજ સેવા મંગળવાર 12 વાગ્યા સુધી સ્થગિત બંધ કરી દેવામાં આવી છે.
આ પણ વાંચો: Khalistani leader Amritpal: 'ભાગેડુ' અમૃતપાલ માટે હેબિયસ કોર્પસ દાખલ
અફવાઓથી દૂર રહેવા અપીલ: પંજાબના આઈજી સુખચૈન સિંહ ગીલે અમૃતપાલ અને તેના સહયોગીઓ વિશે ઘણા મહત્વના ખુલાસા કર્યા છે. અમૃતપાલને લઈને પંજાબમાં ચાલી રહેલી સ્થિતિ પર આઈજી ગિલે કહ્યું કે પંજાબમાં સતત ફ્લેગ માર્ચ કરવામાં આવી રહી છે. તેમણે દાવો કર્યો હતો કે પંજાબ પોલીસ કાયદો અને વ્યવસ્થા પુનઃસ્થાપિત કરવાનો પ્રયાસ કરી રહી છે. તેમણે મીડિયા અને લોકોને પણ અફવાઓથી દૂર રહેવા અને તથ્યો તપાસ્યા પછી સમાચાર પોસ્ટ કરવાની અપીલ કરી છે.
