મુંબઈ: ઈંગ્લેન્ડ ટેસ્ટ ટીમના (England Test team) મુખ્ય કોચ તરીકે બ્રેન્ડન મેક્કુલમની (Brendon McCullum) નિમણૂક સાથે, તેની સામે સૌથી મોટી પડકાર ટીમનું નસીબ બદવવાનો છે, જેણે તેની છેલ્લી 17 ટેસ્ટ મેચોમાંથી માત્ર એક જ જીતી છે.
આ પણ વાંચો: Dinesh Karthik: પ્રેમ અને મિત્રતામાં આઘાત મળ્યો હતો, પરંતુ પ્રેમ ફરી મળ્યો
મેક્કુલમ અને બેન સ્ટોક્સ વચ્ચે કેવી રીતે સંકલન: ઈંગ્લેન્ડ 2 જૂને ન્યૂઝીલેન્ડ સામે ત્રણ ટેસ્ટ મેચની શ્રેણી રમશે. ઈંગ્લેન્ડ એન્ડ વેલ્સ ક્રિકેટ બોર્ડ (ECB)ના વ્યૂહાત્મક સલાહકાર એન્ડ્રુ સ્ટ્રોસે મેક્કુલમ અને નવા કેપ્ટન સ્ટોક્સ વચ્ચે સંકલનની જરૂરિયાત પર ભાર મૂક્યો હતો. ECBના વ્યૂહાત્મક સલાહકાર એન્ડ્રુ સ્ટ્રોસને ICC દ્વારા ટાંકવામાં આવ્યું હતું કે, સૌથી મહત્વની બાબત એ છે કે મેક્કુલમ અને બેન સ્ટોક્સ વચ્ચે કેવી રીતે સંકલન કાર્ય કરશે. તેમની વચ્ચેનો સંબંધ ટીમ માટે જરૂરી રહેશે. આમાં એ હકીકત ઉમેરવામાં આવશે કે ન્યૂઝીલેન્ડના ભૂતપૂર્વ સુકાની મેક્કુલમ પણ તેની બ્લૂ પ્રિન્ટને અમલમાં મૂકવા માંગશે, જે ટીમ માટે ફાયદાકારક સાબિત થઈ શકે.
દરેક પ્રત્યે સકારાત્મક વલણ: મેક્કુલમે પોતાના સુકાનીપદના કાર્યકાળ દરમિયાન કહ્યું હતું કે, જ્યારે આપણી માનસિકતા સારી હોય છે અને દરેક પ્રત્યે સકારાત્મક વલણ હોય છે, તો આપણે સામેવાળા પ્રત્યે આક્રમકતા બતાવી શકીએ છીએ. જ્યારે અમે એક ટીમ તરીકે ક્રિઝ પર આવીએ છીએ ત્યારે અમારે વિપક્ષને હરાવવા વિશે વિચારવાનું હોય છે. પસંદગી ઉપરાંત, મેક્કુલમે એ પણ નક્કી કરવાનું રહેશે કે બેટિંગ ક્રમમાં કોણ કયા નંબર પર ઉતરે છે.
આ પણ વાંચો: IPL 2022: શું મેનેજમેન્ટની બિનજરૂરી દખલગીરીને કારણે KKRનો પ્રદર્શન ગ્રાફ નીચે આવ્યો
ટોચના સાત ખેલાડીઓ: સ્ટોક્સ છઠ્ઠા નંબરે અને જો રૂટ ચોથા નંબરે બેટિંગ કરશે, પરંતુ ઈંગ્લેન્ડના બાકીના ટોચના સાત ખેલાડીઓનો બેટિંગ ઓર્ડર હજુ સ્પષ્ટ નથી. ઈંગ્લેન્ડ માટે આ શ્રેણી માટે ટોચના ત્રણમાં સ્થાન મેળવવું મહત્વપૂર્ણ રહેશે, કારણ કે બેન ફોક્સના સ્થાને જોની બેરસ્ટો વિકેટકીપરની જવાબદારી સંભાળશે.
