કોલકાતા: પશ્ચિમ બંગાળના(west bengal) પૂર્વ મેદિનીપુરના મૈના વિસ્તારમાં એક ચોંકાવનારો કિસ્સો સામે આવ્યો છે. અહીં એક મહિલાએ ગુસ્સામાં આવીને સસરાના અંડકોષ તોડી નાખ્યા. (Woman tears off father in laws testicles) મામલાની નોંધ લેતા પોલીસે આરોપી મહિલાની ધરપકડ કરી હતી અને તેને કોર્ટમાં રજૂ કરી હતી, જ્યાંથી તેને 14 દિવસની ન્યાયિક કસ્ટડીમાં મોકલી દેવામાં આવી છે. મળતી માહિતી મુજબ, આરોપી મહિલાની ઓળખ શિખા હાટ તરીકે થઈ છે, જે ગૃહિણી છે.
પતિના મનાઈથી શિખા ગુસ્સે થઈ: પોલીસ પાસેથી પ્રાપ્ત માહિતી અનુસાર, આ ઘટના પૂર્વ મેદિનીપુર જિલ્લાના મૈના પોલીસ સ્ટેશન વિસ્તારના બક્કા ગામની છે. મહિલાએ પૂછપરછ દરમિયાન જણાવ્યું કે, જ્યારે શિખાને ખબર પડી કે તેના પિતાના ઘરે માંસ તૈયાર કરવામાં આવી રહ્યું છે, ત્યારે તેણે તેના પતિને ફોન કર્યો અને પિતાના ઘરે જવાની પરવાનગી માંગી. તેના પતિએ તેને તેના પિતાના ઘરે જવાની મનાઈ કરી હતી અને વચન આપ્યું હતું કે તે ઘરે માંસ લાવશે. પરંતુ પતિના મનાઈથી શિખા ગુસ્સે થઈ ગઈ અને તેના સાસરિયામા ગાળાગાળી કરવા લાગી.
સસરાના અંડકોષ તોડી નાખ્યા: કથિત રીતે સસરા તેને તેની સાથે દુર્વ્યવહાર ન કરવા ચેતવણી આપતા હતા અને તેની સાથે ઝઘડો કરવા લાગ્યા હતા. શિખાએ કથિત રીતે ગુસ્સામાં આવીને તેના સસરાના અંડકોષ તોડી નાખ્યા હતા. જ્યારે સસરા પીડાથી આક્રંદ કરવા લાગ્યા ત્યારે સ્થાનિક લોકો તેને બચાવવા આવ્યા હતા. ઘાયલ સસરાને તામલુક જિલ્લા હોસ્પિટલમાં દાખલ કરવામાં આવ્યા હતા અને હાલ તેમની હાલત ગંભીર છે. આ ઘટના બાદ પડોશીઓએ શિખાને બાંધી હતી, પરંતુ કોઈક રીતે તે પોતાની જાતને છોડાવવામાં સફળ રહી અને તેના પિતાના ઘરે ભાગી ગઈ હતી.
કોર્ટે તેને 14 દિવસની ન્યાયિક કસ્ટડી:બાદમાં શિખાના સાસુએ પોલીસ સ્ટેશનમાં લેખિત ફરિયાદ નોંધાવતા મૌના પોલીસ સ્ટેશને આરોપી શિખાની ધરપકડ કરી હતી. પોલીસે મંગળવારે તેને તામલુક કોર્ટમાં રજૂ કરી હતી, જ્યાં કોર્ટે તેને 14 દિવસની ન્યાયિક કસ્ટડીમાં મોકલી દીધી હતી. ફરિયાદી અને પીડિતાની પત્નીએ દાવો કર્યો હતો કે, મારા પતિ પુત્ર અને પુત્રવધૂ વચ્ચેના વિવાદનું સમાધાન કરવા માગતા હતા. પછી તેણીએ ગુસ્સામાં મારા પતિના અંડકોષને પકડીને તોડી નાખ્યા હતા.
