મથુરાઃ શ્રી કૃષ્ણ જન્મભૂમિ-શાહી ઈદગાહ વિવાદને (shri krishna janmabhoomi shahi idgah dispute) લઈને આજે મથુરાની જિલ્લા અદાલતમાં સુનવણી થવાની છે. મથુરાની શ્રી કૃષ્ણ જન્મભૂમિ અને શાહી ઇદગાહ મસ્જિદને લઇને વિવાદ છે. મથુરા કોર્ટમાં 13.37 એકર જમીનની માલિકીની માંગ કરતી અરજી દાખલ કરવામાં આવી છે.
શ્રી કૃષ્ણ જન્મભૂમિ-શાહી ઇદગાહ વિવાદમાં શું થયું: અરજીમાં સમગ્ર જમીન લેવા અને શ્રી કૃષ્ણ જન્મભૂમિની બાજુમાં બનેલી શાહી ઇદગાહ મસ્જિદને હટાવવાની માંગ (Demand for removal of Shahi Idgah Masjid) કરવામાં આવી છે. અરજદારે વિવાદિત સ્થળની વિડિયોગ્રાફી અને ફોટોગ્રાફીની પણ માંગણી કરી હતી. આ મામલો નીચલી કોર્ટમાં પેન્ડિંગ છે. સતત વિલંબને કારણે અરજદાર મનીષ યાદવે હાઈકોર્ટમાં અરજી કરી હતી. મનીષે હાઈકોર્ટમાં પણ આ જ માંગણી કરી હતી. આ પછી કોર્ટે નીચલી કોર્ટ પાસેથી રિપોર્ટ માંગ્યો હતો. આ મામલે હાઈકોર્ટમાં 29 ઓગસ્ટના રોજ સુનાવણી હાથ ધરવામાં આવી હતી. મંદિર પક્ષ તરફથી નીચલી કોર્ટમાં દાખલ કરવામાં આવેલી અરજી પર કોર્ટે ચાર મહિનામાં સુનાવણી પૂર્ણ કરવાનો નિર્દેશ આપ્યો છે.
શું હતો કરાર: એવું કહેવાય છે કે, ઔરંગઝેબે શ્રી કૃષ્ણના જન્મસ્થળ પર પ્રાચીન કેશવનાથ મંદિરનો નાશ કર્યો હતો અને તે જ જગ્યાએ 1669-70માં શાહી ઇદગાહ મસ્જિદ બનાવી હતી. 1770માં ગોવર્ધનમાં મુઘલો અને મરાઠાઓ વચ્ચે યુદ્ધ થયું હતું, તેમાં મરાઠાઓનો વિજય થયો. વિજય પછી, મરાઠાઓએ ફરીથી મંદિર બનાવ્યું. 1935માં અલ્હાબાદ હાઈકોર્ટે (Allahabad Hc on Shri Krishna Janmbhoomi) બનારસના રાજા કૃષ્ણ દાસને 13.37 એકર જમીન ફાળવી હતી.
જમીનના કબજાની માંગ: 1951માં શ્રી કૃષ્ણ જન્મભૂમિ ટ્રસ્ટે આ જમીન સંપાદિત કરી હતી. 12 ઓક્ટોબર 1968ના રોજ, શ્રી કૃષ્ણ જન્મસ્થાન સેવા સંસ્થાને શાહી મસ્જિદ ઇદગાહ ટ્રસ્ટ સાથે કરાર કર્યો. કરાર 13.37 એકર જમીન પર મંદિર અને મસ્જિદ બંનેને ચાલુ રાખવાની વાત કરે છે. સમગ્ર વિવાદ આ 13.37 એકર જમીનનો છે. આ જમીનમાંથી 10.9 એકર જમીન શ્રી કૃષ્ણ જન્મસ્થાન પાસે અને 2.5 એકર શાહી ઈદગાહ મસ્જિદ પાસે છે. આ કરારમાં, મુસ્લિમ પક્ષે તેનો કેટલોક કબજો મંદિર માટે છોડી દીધો અને બદલામાં મુસ્લિમ પક્ષને નજીકની થોડી જગ્યા આપવામાં આવી. હવે હિન્દુ પક્ષ સમગ્ર 13.37 એકર જમીનના કબજાની માંગ કરી રહ્યું છે.
