મુંબઈ : આ દિવસોમાં શિવસેનાના પ્રવક્તા શીતલ મ્હાત્રેનો એક વીડિયો સોશિયલ મીડિયા પર વાયરલ થઈ રહ્યો છે. શીતલ મ્હાત્રેએ દાવો કર્યો છે કે, આ વીડિયો સાથે છેડછાડ કરવામાં આવી છે. આ અંગે શીતલ મ્હાત્રેએ પોલીસ સ્ટેશનમાં ફરિયાદ પણ નોંધાવી છે. આ વીડિયોમાં શીતલ મ્હાત્રે સાથે ધારાસભ્ય પ્રકાશ સુર્વે પણ જોવા મળી રહ્યા છે. આ વીડિયોને ફેસબુક પર એક પેજ દ્વારા શેર કરવામાં આવ્યો છે. જે બાદ આ વીડિયોની દરેક જગ્યાએ ચર્ચા થવા લાગી.
વીડિયો અંગે શીતલે ફરિયાદ નોંધાવી છે : શીતલ મ્હાત્રે અને ધારાસભ્ય પ્રકાશ સુર્વેનો વીડિયો અડધી રાત્રે ફેસબુક પર પોસ્ટ કરવામાં આવ્યો હતો. આ વીડિયોમાં શીતલ મ્હાત્રે અને ધારાસભ્ય પ્રકાશ સુર્વે અને મુખ્યપ્રધાન એકનાથ શિંદે એક રેલી કાર્યક્રમમાં ખુલ્લી જીપમાં જોવા મળી રહ્યા છે. વીડિયો પોસ્ટ કરનાર ફેસબુક હેન્ડલ પર દાવો કરવામાં આવ્યો છે કે આ રેલી ભાજપ અને શિવસેનાની ચાલી રહેલી આશીર્વાદ યાત્રા છે. આ વીડિયોમાં 'પપ્પી દે પપ્પી દે પારુલા' ગીત પણ વાગતું સંભળાય છે.
આ પણ વાંચો : PM Modi Security breach : PM મોદીની સુરક્ષા ચૂકના કિસ્સામાં કેન્દ્રએ પંજાબ સરકાર પાસેથી એક્શન રિપોર્ટ માંગ્યો
શિવસૈનિકોએ પોલીસ પાસે માંગ કરી હતી : શીતલ મ્હાત્રેએ આરોપ લગાવ્યો છે કે, જે પેજ પરથી આ વીડિયો પોસ્ટ કરવામાં આવ્યો છે, ત્યાં શિવસેના શિંદે ગ્રુપની અભદ્ર ટીકા કરવામાં આવી છે. મધ્યરાત્રિએ આ વીડિયો વાયરલ થતાં જ શિવસેનાના કાર્યકરો દહિસર પોલીસ સ્ટેશન પહોંચ્યા. તેઓ પોલીસ સ્ટેશનમાં રોકાયા. આ દરમિયાન શિવસૈનિકોએ પોલીસ પાસે માંગ કરી હતી કે આ વીડિયો વાયરલ કરનારાઓ સામે છેડતીનો કેસ નોંધવામાં આવે. આ રેલીનું આયોજન દહિસરમાં મુખ્યપ્રધાન એકનાથ શિંદેની હાજરીમાં કરવામાં આવ્યું હતું.
સોશિયલ મીડિયા પર દાવો કરવામાં આવ્યો : સોશિયલ મીડિયા પર દાવો કરવામાં આવી રહ્યો છે કે, આ વીડિયો આ રેલીનો છે. આ મામલે શિવસેનાના પ્રવક્તા શીતલ મ્હાત્રેએ મીડિયાને એક વીડિયો પ્રસારિત કરીને પોતાની પ્રતિક્રિયા આપી છે. આ વીડિયોમાં શીતલ મ્હાત્રેએ કહ્યું હતું કે રાજકારણમાં મહિલાઓ વિશે વાત કરવા જેવું કંઈ જ નથી તો તેમના ચારિત્ર્યને બદનામ કરવું એ જમાતની સંસ્કૃતિ છે? માતોશ્રી નામના ફેસબુક પેજ પરથી એક મહિલા વિશેનો આવો મોર્ફ વીડિયો અપલોડ કરતી વખતે તમને બાળાસાહેબના મૂલ્યો યાદ ન આવ્યા? વીડિયો બનાવીને સોશિયલ મીડિયા પર સર્ક્યુલેટ કરનારા અને માતોશ્રીના ફેસબુક પેજ પર ખોટી રીતે મારી બદનક્ષી કરનારાઓ વિરુદ્ધ દહિસર પોલીસ સ્ટેશનમાં યોગ્ય રીતે કેસ નોંધવામાં આવ્યો છે.
