મુંબઈ : કારોબારી સપ્તાહના ચોથા દિવસે ગુરુવારે બેન્ચમાર્ક સેન્સેક્સ અને નિફ્ટી સૂચકાંકો મામૂલી વધારા સાથે ખુલ્યા છે. BSE પર સેન્સેક્સ 64 પોઈન્ટના વધારા સાથે 66,439.09 પર ખુલ્યો હતો. તે જ સમયે, NSE પર નિફ્ટી 0.75 ટકાના વધારા સાથે 20,111.70 પર ખુલ્યો હતો. હીરો મોટોકોર્પ, બીપીસીએલ, આઇશર મોટર્સ, કોટક બેન્ક, અલ્ટ્રાટેક સિમેન્ટ, ઇન્ડસઇન્ડ બેન્ક, ટાટા મોટર્સ, ડો રેડ્ડીઝ લેબ્સ, એચડીએફસી બેન્ક, એલએન્ડટી, એચસીએલ ટેક, ગ્રાસિમ, એક્સિસ બેન્ક અને ટાઇટનના શેરમાં વધારો જોવા મળી રહ્યો છે.
શેરમાં આ પ્રકારની સ્થિતિ જોવા મળી : વ્યાપક બજારોમાં, BSE મિડકેપ અને સ્મોલકેપ સૂચકાંકોમાં અનુક્રમે 0.13 ટકા અને 0.34 ટકાનો વધારો જોવા મળી રહ્યો છે. સેક્ટરમાં નિફ્ટી બેન્ક, ઓટો, ફાઇનાન્સિયલ સર્વિસ, એફએમસીજી, ફાર્મા અને પ્રાઇવેટ બેન્ક ઇન્ડેક્સ 0.2 ટકા ઉપર છે. બીજી તરફ નિફ્ટી આઈટીમાં 0.23 ટકાનો ઘટાડો થયો છે. નવી લિસ્ટિંગઃ ટાટા ટેક્નોલોજીસ, ગંધાર ઓઇલ રિફાઇનરી અને ફેડબેંક ફાઇનાન્શિયલ સર્વિસિસના શેર આજે શેરબજારમાં લોન્ચ થશે.
