મુંબઈ: બોમ્બે હાઈકોર્ટે મૃત પિતાની મિલકતને લઈને અરજદારે કરેલી અરજીને લઈને સુનાવણી કરી હતી. પિતાની મિલકતમાંથી ભાઈ-બહેનને સાવકી મા દ્વારા બેદખલ કરવામાં આવ્યા હતા. જે મામલે બોમ્બે હાઈકોર્ટે સાવકી માતાના આ નિર્ણયને સમર્થન આપ્યું હતું.
સાવકી માતા દ્વારા ખરાબ વર્તન: અરજદારના પિતાનું 2014માં અવસાન થયું હતું. અરજદારે દાવો કર્યો હતો કે તેમની સાવકી માતા દ્વારા તેમની સાથે ખરાબ વર્તન કરવામાં આવ્યું હતું. પિતાની મિલકતમાંથી ભાઈ-બહેનને સાવકી મા દ્વારા બેદખલ કરવામાં આવ્યા હતા. અરજદારોએ દલીલ કરી હતી કે તેમને વારસાગત અધિકારો મળ્યા હતા. મિલકતમાંથી તેમને બહાર કાઢી શકાય નહિ. જેને લઈને તેમણે અરજી કરી હતી.
આ પણ વાંચો: Budget Session: હવે શાળાઓએ ફરજીયાત પણે ગુજરાતી ભાષા ભણાવવી પડશે, વિધાનસભામાં વિધેયક પસાર
અરજદારોને જગ્યા ખાલી કરવાનો નિર્દેશ: ટ્રિબ્યુનલે તેમને વિવાદિત જગ્યામાંથી બહાર કાઢવાનો આદેશ આપ્યો હતો. આથી હાલની રિટ પિટિશન દાખલ કરવામાં આવી હતી. કોર્ટે નોંધ્યું હતું કે વિવાદિત જગ્યા હાલમાં ખાલી છે અને સાવકી માતા તેની બહેનના ઘરે રહે છે. કોર્ટે કહ્યું કે તેની ઉંમર 65 વર્ષથી વધુ છે અને તે તેના પતિના પ્રથમ વર્ગના વારસદારોમાંની એક હોવાને કારણે તે વિવાદિત જગ્યામાં રહેવાની હકદાર છે. કોર્ટે કહ્યું કે 2007ના કાયદાનો ઉદ્દેશ્ય વૃદ્ધ માતા-પિતાને ભરણપોષણનો દાવો કરવા માટે સરળ, સસ્તી અને ઝડપી પ્રક્રિયા પૂરી પાડવાનો છે. 2007ના કાયદાની કલમ 5 ભરણપોષણ માટેની અરજી સાથે સંબંધિત છે.
આ પણ વાંચો: Bombay high court : છોકરીનો હાથ પકડીને પ્રેમ વ્યક્ત કરવો એ છેડતી નથી - બોમ્બે હાઈકોર્ટે
જગ્યાનો કબજો સાવકી માતાને સોંપવાનો નિર્દેશ: કોર્ટે નોંધ્યું હતું કે અરજદારો અને તેમની સાવકી માતા વચ્ચેના સંબંધો વણસેલા છે. વિવાદિત જગ્યામાં દરેક વ્યક્તિ શાંતિથી સાથે રહે તેવી કોઈ શક્યતા નથી. આમ કોર્ટે ટ્રિબ્યુનલના આદેશને યથાવત રાખતા અરજદારોને વિવાદિત જગ્યા ખાલી કરવા અને તેનો કબજો તેમની સાવકી માતાને સોંપવાનો નિર્દેશ આપ્યો હતો. જો કે પિતાના વારસદાર તરીકે અરજદારોના અધિકારોને ધ્યાનમાં લેતા કોર્ટે તેમની સાવકી માતાને વિવાદિત જગ્યાના સંદર્ભમાં કોઈ તૃતીય પક્ષનું હિત ન બનાવવાનો નિર્દેશ આપ્યો હતો.
