ચંદૌલી(ઉતર પ્રદેશ): સાઉદી અરબ સરકારની મોટી બેદરકારી સામે આવી છે. જ્યાં સાઉદીમાં કામ કરતા ચંદૌલીના રહેવાસી જાવેદના મૃત્યુ બાદ તેનુ મૃતદેહ બદલાય ગયાની ઘટના સામે આવી છે. તેના સ્થાને અન્ય એક વ્યક્તિનો મૃતદેહ વારાણસી એરપોર્ટ પર આવ્યો હતો. શબપેટી પર સાજી રાજન લખેલું હતું.(saudi arabia government negligence) આના પર પરિવારે નારાજગી વ્યક્ત કરી અને ટ્વિટ કરીને ભારતીય દૂતાવાસ અને વિદેશ મંત્રી જયશંકરને ફરિયાદ કરી.
સારવાર દરમિયાન તેનું મોત નીપજ્યું: વાસ્તવમાં, ચકિયાના સિકંદરપુરનો રહેવાસી જાવેદ સાઉદી અરેબિયાના દમ્માનમાં એક ઈલેક્ટ્રોનિક કંપનીમાં કામ કરતા હતા. બીમારીના કારણે હોસ્પિટલમાં સારવાર દરમિયાન તેનું મોત નીપજ્યું હતું. આ પછી, મૃતકના ભાઈ જાવેદે સરકાર અને અન્ય લોકોને મૃતદેહ પરત કરવામાં સહકાર આપવા અપીલ કરી હતી.(chandauli resident died in saudi arabia) દરેકના પ્રયત્નો પણ ફળ્યા હતા. આ બાબતની નોંધ લેતા સાઉદી અરેબિયામાં ભારતીય દૂતાવાસ અને વિદેશ મંત્રાલયે મૃતદેહને સ્વદેશ પરત લાવવાના પ્રયાસો કર્યા હતા. તમામ પ્રયાસો બાદ 30 સપ્ટેમ્બરે જાવેદના મૃતદેહને વારાણસીના બાબતપુર એરપોર્ટ પર લાવવામાં આવ્યો હતો. પરંતુ, તપાસમાં જાણવા મળ્યું કે આ લાશ જાવેદનો નહીં, પરંતુ અન્ય વ્યક્તિ સાજી રાજનનો છે અને શબપેટી પર તેનું સ્ટીકર ચોંટાડવામાં આવ્યું છે.
તે મૃતદેહ તેના ભાઈનો ન હતો: મૃતક જાવેદના ભાઈ નદીમ જલાલ ઈદરસીએ તેને સીધી રીતે સાઉદી સરકારની બેદરકારી ગણાવી છે અને વિદેશ મંત્રી એસ જયશંકર અને ભારતીય દૂતાવાસને પણ ટ્વિટર દ્વારા જાણ કરી છે. તેમણે ટ્વીટ કર્યું હતુ કે, 25 સપ્ટેમ્બરે સાઉદી અરેબિયામાં ભાઈ જાવેદના મૃત્યુ પછી તમામ ઔપચારિકતાઓ પૂર્ણ કર્યા પછી, તેમના ભાઈનો મૃતદેહ દિલ્હી એરપોર્ટ થઈને શુક્રવારે રાત્રે વારાણસી એરપોર્ટ પહોંચ્યો હતો. પરંતુ, તે મૃતદેહ તેના ભાઈનો ન હતો. તેમણે કહ્યું કે સાઉદી અરબ સરકારે ખોટી બોડી મોકલી છે. આ ભૂલને ધ્યાનમાં લઈને જાવેદના મૃતદેહને જલ્દીથી પરત મોકલવાની વ્યવસ્થા કરવી જોઈએ. ત્યારે આ ઘટના બાદ પરિવારજનોમાં ભારે રોષ જોવા મળી રહ્યો છે.
