પશ્ચિમ ચંપારણ(બિહાર): બેતિયામાં મુઝફ્ફરપુર નરકટિયાગંજ રેલ્વે લાઇન પર મોટી દુર્ઘટના ટળી હતી. વાસ્તવમાં B4 અને B5 ડબ્બા સત્યાગ્રહ એક્સપ્રેસથી અલગ થઈ ગયા હતા. ટ્રેનનું એન્જીન બીજા ડબ્બાઓને ખેંચીને આગળ વધ્યું. અહી ટ્રેનનો પાછળનો ભાગ અચાનક થોભાવવાથી અફરાતફરી મચી ગઈ હતી. મુસાફરોએ જોયું તો ટ્રેનનું એન્જીન ઘણું દૂર ગયું હતું. અકસ્માતમાં કોઈ જાનહાનિ થઈ ન હતી.
ટ્રેનનું એન્જીન અને ડબ્બા અલગ પડી ગયાઃ આ ઘટના મજૌલિયાના મહેંદીપુર પાસે બની હતી. એન્જિન બોગીને છોડીને આગળ વધ્યું અને આખી બોગી પાછળ રહી ગઈ. મુસાફરોએ નીચે ઉતરીને હોબાળો મચાવ્યો હતો. ત્યારપછી ફરી સત્યાગ્રહ એક્સપ્રેસ પાછી આવી. એસી બોગી ઉમેરીને તેને ગંતવ્ય સ્થાન તરફ રવાના કરવામાં આવી. આ ઘટનાથી મુસાફરોમાં દોડધામ મચી ગઈ. મુસાફરોમાં નાસભાગ મચી ગઈ હતી અને તેઓ ટ્રેનમાંથી નીચે ઉતરીને ભાગવા લાગ્યા હતા.
આ પણ વાંચો: IED Blast in Chaibasa: ઝારખંડના ચાઈબાસામાં IED બ્લાસ્ટ, ત્રણ જવાન ઘાયલ
મુસાફરોમાં અફરાતફરી મચી ગઈઃ ટ્રેનમાં સવાર મુસાફરોએ જણાવ્યું કે, અચાનક ટ્રેન રોકાઈ જવાથી અરાજકતા સર્જાઈ હતી. B-5 બોગી આગળ ગઈ અને બાકીની બોગી પાછળ રહી ગઈ. અચાનક બંધ થવાના કારણે લોકો બહાર આવ્યા અને જોયું કે એન્જિન જતું રહ્યું હતું. આમાં બેઠેલા મુસાફરોને ત્યારે જ ખબર પડી જ્યારે નીચે મુસાફરોનું ટોળું એકત્ર થઈ ગયું. પ્રાથમિક ધોરણે દિલ્હી જતી સત્યાગ્રહ એક્સપ્રેસના શંટીંગમાં બેદરકારીને કારણે આ દુર્ઘટના સર્જાઈ હોવાનું સામે આવ્યું છે.
આ પણ વાંચો: Firing On TDP Leader: પલનાડુ જિલ્લામાં TDP નેતા પર ફાયરિંગ, હોસ્પિટલમાં દાખલ
નવી દિલ્હી જઈ રહી હતી સત્યાગ્રહ એક્સપ્રેસઃ મહત્વની વાત એ છે કે રક્સૌલથી દિલ્હી જતી સત્યાગ્રહ એક્સપ્રેસના શંટીંગમાં બેદરકારીને કારણે આ દુર્ઘટના કહેવામાં આવી રહી છે. હાલમાં આ મામલે ભારતીય રેલવે તરફથી કોઈ સત્તાવાર નિવેદન આવ્યું નથી. જો બેદરકારી હશે તો તેના માટે જવાબદાર કોણ? હાલમાં સત્યાગ્રહ એક્સપ્રેસનું એન્જિન ફરીથી ટ્રેન સાથે જોડવામાં આવ્યું હતું. હાલમાં ટ્રેનને નવી દિલ્હી તરફ રવાના કરવામાં આવી છે.
