ચંદીગઢ/નવી દિલ્હી: કોંગ્રેસ નેતા રાહુલ ગાંધી આજે પંજાબના પ્રવાસે (Rahul Gandhi to visit Punjab) છે. તેઓ આજે સુવર્ણ મંદિર ખાતે નમન કરશે અને આ બાદ, વર્ચ્યુઅલ રેલીને સંબોધિત કરશે.
મીઠાપુરથી પાર્ટીની ડિજિટલ રેલી
રાહુલ ગાંધી અને પંજાબ કોંગ્રેસના તમામ 117 ઉમેદવારો સુવર્ણ મંદિરની (Rahul Gandhi will visit Golden Temple) મુલાકાત લેશે અને લંગરમાં હાજરી આપશે. આ ત્યારબાદ રાહુલ ગાંધી જલંધરના મીઠાપુરથી પાર્ટીની ડિજિટલ રેલીને સંબોધિત કરશે. કોંગ્રેસે પંજાબ વિધાનસભા ચૂંટણી 2022 (Punjab Assembly Elections 2022) માટે અત્યાર સુધીમાં 86 ઉમેદવારોની જાહેરાત કરી છે અને ટૂંક સમયમાં અન્ય નામોની જાહેરાત થવાની આશા છે.
આ પણ વાંચો: Rahul Gandhi's Statement On Pegasus: સરકાર પર પ્રહાર કરતા કહ્યુ, પેગાસસનો એક શસ્ત્ર તરીકે ઉપયોગ
ચૂંટણી પંચનો રેલી અને રોડ શો પર પ્રતિબંધ
રાહુલ ગાંધી દુર્ગિયાના મંદિર અને ભગવાન વાલ્મીકિ તીર્થસ્થાન પર પણ પૂજા કરશે. ઉલ્લેખનીય છે કે, ચૂંટણી પંચે શનિવારે શારીરિક રેલીઓ અને રોડ શો પરનો પ્રતિબંધ 31 જાન્યુઆરી સુધી લંબાવ્યો છે. પંજાબમાં વિધાનસભા ચૂંટણી માટે 20 ફેબ્રુઆરીએ મતદાન થશે અને મતગણતરી 10 માર્ચે કરવામાં આવશે.
