- ડૉ. અરંજય જૈનના ચાર વીડિયો વાયરલ થયા
- ઓક્સિજનના સંકટમાં મોકડ્રીલને કારણે 22 ગંભીર દર્દીઓનું મોત
- આખી વાતચીત 26 અને 27 એપ્રિલના રોજ ઓક્સિજન કટોકટીના સંદર્ભમાં
આગ્રા: ઉત્તરપ્રદેશના આગ્રા સ્થિત પારસ હોસ્પિટલના વાયરલ થયેલા વીડિયોથી હંગામો થયો છે. આ વીડિયોમાં હોસ્પિટલમાં ઓક્સિજનના સંકટમાં મોકડ્રીલને કારણે 22 ગંભીર દર્દીઓનું મોત પાંચ મિનિટમાં થવાનું કહેવામાં આવી રહ્યું છે. વીડિયોમાં એક વ્યક્તિ હોસ્પિટલના ઓપરેટરની સામે બોલે છે કે 22 લોકોના મોત નીપજ્યાં છે. આ આખી વાતચીત 26 અને 27 એપ્રિલના રોજ ઓક્સિજન કટોકટીના સંદર્ભમાં છે.
હોસ્પિટલમાં 96 કોરોના દર્દીઓ દાખલ થયા
26 મી એપ્રિલ 2021ના રોજ સવારે 7 વાગ્યે પારસ હોસ્પિટલમાં મોક ડ્રીલ કરવામાં આવી હતી. આ સમયે હોસ્પિટલમાં 96 કોરોના દર્દીઓ દાખલ થયા હતા. જેમાંથી ફક્ત 74 દર્દીઓ જ બચી ગયા હતા. હોસ્પિટલના સંચાલક ડૉ. અરંજય જૈનના ચાર વીડિયો વાયરલ થયા છે. જેમાં તે એક મહાન ઓક્સિજન સંકટના દિવસની વાર્તા કહી રહ્યો છે. જ્યારે આ અંગે કોઈ હોબાળો થાય છે. ત્યારે હોસ્પિટલના સંચાલકો વીડિયોને વિકૃત કરવા અને તેને વાયરલ કરવાની વાત કરી રહ્યા છે.
આ પણ વાંચો: ભારતીય વાયુસેના UKના જર્મનીથી ઓક્સિજન કન્ટેનરોની કરે છે હવાઈ પરિવહન
દર્દીઓ પર મોતની મોક ડ્રીલના વીડિયોની તપાસની વાત
આગ્રાની પારસ હોસ્પિટલનો વીડિયો વાયરલ થયા બાદ ઓક્સિજન સંકટના યુગમાં ખાનગી હોસ્પિટલોની ગંભીર બેદરકારી ચર્ચામાં છે. જિલ્લા મેજિસ્ટ્રેટ પ્રભુ નારાયણ સિંહ વાયરલ થયેલા કોરોના દર્દીઓ પર મોતની મોક ડ્રીલના વીડિયોની તપાસની વાત કરી રહ્યા છે.
આ પણ વાંચો: કચ્છમાં ઓક્સિજનની અછત દૂર કરવા ફોકીઆએ 275 ઓક્સિજન કન્સન્ટ્રેટરનું કર્યું દાન
વાયરલ વિડિઓની સચોટતા અધિકૃત નથી
સરકારના રેકોર્ડમાં 26 એપ્રિલના રોજ પારસ હોસ્પિટલમાં ચાર કોરોના દર્દીઓના મોત નોંધાયા છે. ડીએમ પ્રભુ નારાયણસિંહે કહ્યું કે 26 અને 27 એપ્રિલના રોજ ઓક્સિજનની અછત હતી. પરંતુ આખી રાત પ્રશાસનની ટીમ સાથે આરોગ્ય વિભાગ હોસ્પિટલોમાં ઓક્સિજન પહોંચાડતો રહ્યો. તેમણે કહ્યું કે 26 એપ્રિલના રોજ પારસ હોસ્પિટલમાં કોરોનાનાં 97 દર્દીઓ દાખલ થયાં હતાં, જેમાંથી ચારનાં મોત નીપજ્યાં હતાં. તેથી, વાયરલ વિડિઓની સચોટતા અધિકૃત નથી, પરંતુ હજી પણ આ વિડિઓની તપાસ કરવામાં આવશે.
