કોલકાતા: વડાપ્રધાન નરેન્દ્ર મોદીએ (PM Narendra Modi) બુધવારે ભારતીય સ્વતંત્રતા ચળવળના નાયકોને શ્રદ્ધાંજલિ રૂપે બિપ્લોબી ભારત ગેલેરીનું (Biplobi Bharat Gallery Kolkata) ઉદ્ઘાટન કર્યું હતું. આ દરમિયાન તેમણે દેશને સંબોધન પણ કર્યું હતું. તેમણે કહ્યું કે, અમર શહીદ ભગત સિંહ, રાજગુરુ અને સુખદેવના બલિદાનની ગાથા દેશના દરેક બાળકની જીભ પર છે. આ વીરોની વાર્તાઓ આપણને બધાને દેશ માટે રાત-દિવસ કામ કરવાની પ્રેરણા આપે છે.
આ પણ વાંચો: Modi-Morrison virtual summit : યુક્રેનમાં જાનહાનિ માટે રશિયાને જવાબદાર ઠેરવવું જોઈએ - મોરિસન
ભારતની વિરાસતને પરત લાવવામાં આવી રહી છે : વડાપ્રધાન નરેન્દ્ર મોદીએ (PM Narendra Modi) કહ્યું કે, આપણા ભૂતકાળનો વારસો આપણા વર્તમાનને દિશા આપે છે, સારા ભવિષ્યના નિર્માણ માટે પ્રેરણા આપે છે. તેમણે કહ્યું કે, તમને એ સમય પણ યાદ હશે, જ્યારે અમારી જગ્યાએથી પ્રાચીન મંદિરોની મૂર્તિઓ ચોરાઈ જવાના સમાચાર આવ્યા હતા. અમારી કલાના કાર્યોને વિદેશમાં મુક્તપણે દાણચોરી કરવામાં આવી હતી, જાણે તેમનું કોઈ મહત્વ ન હોય, પરંતુ હવે ભારતની તે વિરાસતને પરત લાવવામાં આવી રહી છે.
આ પણ વાંચો: PM Narendra Modi visits Gujarat 2022: અમદાવાદીઓ માટે મહત્વના સમાચાર, આવતીકાલે આટલા રસ્તા બંધ રહેશે
બંગાળની હિંસા પર PM મોદીનું ટ્વિટ :પશ્ચિમ બંગાળમાં TMC નેતાની હત્યા (Violence in Bengal) બાદ, ગુસ્સે ભરાયેલા ટોળાએ હિંસામાં લગભગ એક ડઝન ઘરોને આગ ચાંપી દીધી હતી. જેમાં 8 લોકો દાઝી ગયા હતા. મૃતકોમાં ત્રણ મહિલાઓ અને બે બાળકો પણ સામેલ છે. બીરભૂમ હિંસા પર વડાપ્રધાન નરેન્દ્ર મોદીએ (PM Narendra Modi) કહ્યું કે, પશ્ચિમ બંગાળના બીરભૂમમાં થયેલી હિંસક ઘટના પર હું સંવેદના વ્યક્ત કરું છું. હું આશા રાખું છું કે રાજ્ય સરકાર બંગાળની મહાન ભૂમિ પર આવા જઘન્ય પાપ કરનારાઓને ચોક્કસપણે સજા કરશે.
