- વડાપ્રધાન નરેન્દ્ર મોદીએ કર્યું કુશીનગર આંતરરાષ્ટ્રીય હવાઈમથકનું ઉદ્ધાટન
- યોગી આદિત્યનાથ, આનંદીબેન પટેલ, જ્યોતિરાદિત્ય સિંધિયા ઉપસ્થિત રહ્યા
- ભારત વિશ્વભરમાં બૌદ્ધ સમાજની શ્રદ્ધા, આસ્થા અને પ્રેરણા કેન્દ્ર છે: નરેન્દ્ર મોદી
કુશીનગર,ઉત્તરપ્રદેશ : વડાપ્રધાન નરેન્દ્ર મોદીએ આજે બુધવારે સવારે કુશીનગર આંતરરાષ્ટ્રીય હવાઈમથકનું ઉદ્ધાટન કર્યું છે. પ્રારંભિક કાર્યક્રમમાં ઉત્તર પ્રદેશના મુખ્યપ્રધાન યોગી આદિત્યનાથ, રાજ્યપાલ આનંદીબેન પટેલ, નાગરિક ઉડ્ડયન જ્યોતિરાદિત્ય સિંધિયા, ઘણાં દેશોના રાજદૂત અને શ્રિલંકાનું એક વિશેષ પ્રતિનિધિમંડળ પણ ઉપસ્થિત રહ્યા હતા. આ તકે વડાપ્રધાન મોદીએ જણાવ્યું હતું કે, ભારત વિશ્વભરમાં બૌદ્ધ સમાજની શ્રદ્ધા, આસ્થા અને પ્રેરણા કેન્દ્ર છે. આજે કુશીનગર આંતરરાષ્ટ્રીય હવાઇમથકની આ સુવિધાઓ એક પ્રકારે તેમની શ્રદ્ધાને સમર્પિત છે.
ઉડાન યોજના આગળ વધશે: નરેન્દ્ર મોદી
વડાપ્રધાને જણાવ્યું હતું કે, ભગવાન બુદ્ધથી જોડાયેલા સ્થળોને વિકસાવવા માટે વધુ સારી કનેક્ટિવીટી માટે શ્રદ્ધાળુંઓની સુવિધા માટે ભારત દ્વારા આજે ખાસ ધ્યાન રાખવામાં આવ્યું છે. કુશીનગર વિકાસ ઉત્તર પ્રદેશ અને કેન્દ્ર સરકારની પ્રાથમિકતાઓ છે. વડાપ્રધાને કહ્યું હતું કે, ઉડાન યોજના આગળ વધશે. કેટલાક વર્ષોમાં 900 થી વધુ નવા રૂટ પર અનુમતિ અપાઈ ચૂકી છે. જેમાંથી 350 થી વધુ હવાઈ સેવા શરૂ થશે. 50 થી વધુ નવા એરપોર્ટ અથવા જે સર્વિસમાં નથી, તે ચાલુ કરવામાં આવ્યા છે. તેમણે જણાવ્યું હતું કે, દેશનું એવિએશન સેક્ટર પ્રોફેશનલી ચાલે, સુવિધાઓ અને સુરક્ષાને પ્રાથમિકતા મળે તેના માટે તાજેતરમાં એર ઇન્ડિયાથી જોડાયેલું મોટું કદમ દેશે ઉઠાવ્યું છે. આવા જ એક મોટા રીફોર્મ ડિફેન્સ એરસ્પેસને સિવિલ યુઝ માટે ખોલવાથી જોડાયેલો છે.
આનંદીબેન, યોગી આદિત્યનાથ સહિત અન્ય જનપ્રતિનિધિઓએ મોદીનું સ્વાગત કર્યું
આ પહેલા સવારે 10 વાગ્યે વડાપ્રધાન મોદી કુશીનગર પહોંચ્યાં હતા. એરપોર્ટ પર પણ ટર્મિનલ બિલ્ડિંગ પાસ રાજ્યપાલ આનંદીબેન, મુખ્યપ્રધાન યોગી આદિત્યનાથ સહિત અન્ય જનપ્રતિનિધિઓએ મોદીનું સ્વાગત કર્યું હતું. નાગરિક ઉડ્ડયન જ્યોતિરાદિત્ય સિંધિયાના કાર્યક્રમમાં નરેન્દ્ર મોદીએ અભિનંદન કર્યું હતું. કુશીનગર આંતરરાષ્ટ્રીય હવાઇમથક પર ભાગ લેવા માટે આજે સવારે શ્રિલંકા તરફથી 155 સભ્ય બૌદ્ધ ભિક્ષુઓ અને શ્રિલંકાના પ્રધાનોની ફ્લાઇટ એરપોર્ટ પર છે. તેમનું સ્વાગત યોગી અને નાગરિક ઉડ્ડયન પ્રધાન જ્યોતિરાદિત્ય સિંધિયાએ કર્યું હતું.
દિલ્હી અને કુશીનગર વચ્ચે સીધી ફ્લાઇટ્સ 26 નવેમ્બરથી શરૂ થશે: જ્યોતિરાદિત્ય સિંધિયા
આ સમારોહ દરમિયાન કેન્દ્રીય નાગરિક ઉડ્ડયન પ્રધાન જ્યોતિરાદિત્ય સિંધિયાએ કહ્યું કે, દિલ્હી અને કુશીનગર વચ્ચે સીધી ફ્લાઇટ્સ 26 નવેમ્બરથી શરૂ થશે. 18 ડિસેમ્બરે કુશીનગરને મુંબઈ સાથે અને કોલકાત્તા સાથે પણ જોડવામાં આવશે. તેમણે કહ્યું કે, વડાપ્રધાને સંયુક્ત રાષ્ટ્રની બેઠકમાં કહ્યું હતું કે, અન્ય દેશો યુદ્ધ માટે તૈયાર રહે છે, ભારત હંમેશા ગૌતમ બુદ્ધના માર્ગને અનુસરે છે. આજે વડાપ્રધાન આ કુશીનગર એરપોર્ટને અમારા 54 કરોડ બૌદ્ધ ભક્તોને સમર્પિત કરવા માટે ઉપસ્થિત છે. દેશમાં 70 વર્ષમાં માત્ર 74 એરપોર્ટ હતા, 7 વર્ષમાં 54 એરપોર્ટ સ્થાપવામાં આવ્યા છે અને આજે ભારતમાં 128 એરપોર્ટ સ્થાપિત થઈ ચૂક્યા છે.
260 કરોડ રૂપિયાના ખર્ચે તૈયાર કરાયું એરપોર્ટ
કેન્દ્ર અને રાજ્ય સરકાર દ્વારા આ એરપોર્ટને 260 કરોડ રૂપિયાનો ખર્ચ કરવામાં આવ્યો છે. પ્રથમ ટર્મિનલ 3 હજાર 600 વર્ગમાં બન્યું છે. નવું ટર્મિનલ ભીડભાડવાળા સમયે 300 વિહારીઓને આવવાની- જવાની સુવિધા આપશે. કુશીનગર એક આંતરરાષ્ટ્રીય બૌદ્ધ કેન્દ્ર છે, જ્યાં ભગવાન ગૌતમ બુદ્ધ મહાપરિનિર્વાણ પામ્યા હતા.
પ્રદેશનો સૌથી લાંબો રન વે
કુશીનગર આંતરરાષ્ટ્રીય હવાઇમથક રન વે 3.2 કિમી લાંબો અને 45 મીટર પહોળો છે. જે યુપીનો સૌથી લાંબો રન વે છે. તેન રન વે પર દરેક કલાકે 8 ફ્લાઇટ આવી શકે છે. એટલું જ નહીં આ એરપોર્ટ પર એવી વ્યવસ્થા કરાઈ છે કે, અહીંયા દિવસની સાથે રાત્રે પણ સહેલાઈથી ઉડાન ભરી શકાય છે. 5 માર્ચ 2019 એ એરપોર્ટ એથોરિટી ઓફ ઇન્ડિયા અને યૂપી સરકાર વચ્ચે સમજૂતી થઈ છે. 24 જૂન 2020 એ તેને આંતરરાષ્ટ્રીય હવાઇમથક જાહેર કરવામાં આવ્યું હતું. કુશીનગર ભગવાન ગૌતમ બુદ્ધ મહાપરિનિર્વાણ સ્થાન છે, તેથી તે બૌદ્ધ ધર્મ માનનારા માટે મુખ્ય તીર્થસ્થાન છે. આંતરરાષ્ટ્રીય હવાઈમથકના ઉદ્ધાટનથી અહીંયા પ્રવાસી ગતિવિધિઓમાં વધારો થશે.
