ન્યુઝ ડેસ્ક: હિન્દુ ધર્મમાં પોષ પૂર્ણિમાને(Paush Purnima 2023) ખૂબ જ વિશેષ માનવામાં આવે છે. આ વખતે પોષ મહિનાની પૂર્ણિમા 06 જાન્યુઆરી 2023ના રોજ ઉજવવામાં આવશે. વર્ષ 2023ની આ પ્રથમ પૂર્ણિમા છે. પૂર્ણિમાના દિવસે, ચંદ્ર તેના પૂર્ણ કદમાં હોય છે. પોષને ભગવાન સૂર્યનો મહિનો કહેવામાં આવે છે, તેથી આ મહિનામાં આવતી પૂર્ણિમાને પોષ પૂર્ણિમા કહેવામાં આવે છે. હિંદુ ધર્મમાં આ પૂર્ણિમાને ઘણું મહત્વ આપવામાં આવે છે અને આ દિવસે લોકો વિવિધ રીત-રિવાજો સાથે પૂજા કરે છે. માન્યતા અનુસાર, પોષ પૂર્ણિમાના દિવસે વિધિવત પૂજા કરવાથી માણસ મોક્ષની પ્રાપ્તિ કરે છે. પોષ પૂર્ણિમાના દિવસે સૂર્ય ભગવાનને દાન, સ્નાન અને અર્ઘ્ય અર્પણ કરવાનું વિશેષ મહત્વ જણાવવામાં આવ્યું છે.
પોષ પૂર્ણિમાનું મહત્વ: વૈદિક જ્યોતિષ શાસ્ત્ર અનુસાર, પોષને સૂર્ય ભગવાનનો મહિનો કહેવામાં આવે (Significance of Posh Purnima)છે. આ માસમાં સૂર્યદેવની પૂજા કરવાથી મનુષ્ય મોક્ષની પ્રાપ્તિ કરે છે. તેથી જ પોષ પૂર્ણિમાના દિવસે પવિત્ર નદીઓમાં સ્નાન કરવાની અને સૂર્ય ભગવાનને અર્ઘ્ય અર્પણ કરવાની પરંપરા છે. પોષ મહિનો એ સૂર્યદેવનો મહિનો છે અને પૂર્ણિમા એ ચંદ્રની તિથિ છે. તેથી, સૂર્ય અને ચંદ્રનો આ અદ્ભુત સંગમ પોષ પૂર્ણિમાની તારીખે જ થાય છે. આ દિવસે સૂર્ય અને ચંદ્ર બંનેની પૂજા કરવાથી મનોકામનાઓ પૂર્ણ થાય છે અને જીવનમાં આવતા અવરોધો દૂર થાય છે.
આ પણ વાંચો: ક્યારે છે માઘ પૂર્ણિમા જાણો તેની તારીખ, સમય અને મુહૂર્ત વિશે
પોષ પૂર્ણિમા 2023 શુભ મુહૂર્ત: પૂર્ણિમા તિથિ 06 જાન્યુઆરી 2023 ના રોજ બપોરે 02.16 વાગ્યે શરૂ થશે અને 07 જાન્યુઆરી 2023 ના રોજ સવારે 04.37 વાગ્યે સમાપ્ત થશે. ઉદયતિથિ અનુસાર, આ વખતે પોષ પૂર્ણિમા 06 જાન્યુઆરીએ જ ઉજવવામાં આવશે. આ સાથે જ પોષ પૂર્ણિમાના દિવસે સર્વાર્થ સિદ્ધિ યોગ પણ બની રહ્યો છે. આ ખૂબ જ શુભ યોગ માનવામાં આવે છે અને તેમાં કરવામાં આવેલ તમામ કાર્ય સફળ થાય છે. સર્વાર્થ સિદ્ધિ યોગ શનિવાર, 7 જાન્યુઆરી, 2023 ના રોજ રાત્રે 12:14 વાગ્યે શરૂ થશે અને સવારે 7:15 વાગ્યે સમાપ્ત થશે.
આ પણ વાંચો: આજે આકાશમાંથી થશે અમૃત વર્ષા, શરદ પૂર્ણિમાના અવસરે રાત જાગરણથી ચમકશે ભાગ્ય
પોષ પૂર્ણિમા પૂજા પદ્ધતિ: સવારે સ્નાન કરતા પહેલા વ્રત રાખવાની પ્રતિજ્ઞા લેવામાં આવે (Posh Poornima Puja method)છે. પવિત્ર નદીમાં સ્નાન કર્યા પછી ભગવાનને અર્ઘ્ય ચઢાવો. સૌ પ્રથમ સૂર્ય ભગવાનને અર્ઘ્ય અર્પણ કરવામાં આવે છે. આ પછી ભગવાન મધુસૂદનની પૂજા કરવી જોઈએ. આ પછી બ્રાહ્મણ અથવા કોઈ જરૂરિયાતમંદ વ્યક્તિને ભોજન કરાવો. આ દિવસે ધાબળા, ગોળ, તલ જેવી વસ્તુઓનું દાન કરવું શુભ માનવામાં આવે છે.
