ઉત્તરાખંડ: અંકિતા ભંડારી હત્યા કેસમાં SIT દ્વારા પટવારી વૈભવ પ્રતાપની ધરપકડ (Ankita Bhandari murder case culprit) કરવામાં આવી છે. પૂછપરછ દરમિયાન તે SITના સવાલોના યોગ્ય જવાબ આપી શક્યો ન હતો. જેથી હવે પટવારીની ધરપકડ કર્યા બાદ રિમાન્ડમાં આવ્યા બાદ તે સાચું બોલશે તેવી ધારણા છે. પટવારી વૈભવ પ્રતાપને શુક્રવારે SIT દ્વારા કસ્ટડીમાં લેવામાં આવ્યો હતો. ગઈકાલે પણ તેની પૂછપરછ કરવામાં આવી હતી.
શંકાસ્પદ પટવારી વૈભવ પ્રતાપની ધરપકડ: અંકિતા ભંડારી હત્યા કેસમાં SIIT દ્વારા પટવારી વૈભવ પ્રતાપની ધરપકડ કરવામાં આવી છે. તેની ભૂમિકા શંકાસ્પદ જણાતા તેની ધરપકડ કરવામાં (Patwari Vaibhav Pratap arrested) આવી છે. અગાઉ અંકિતા હત્યા કેસમાં પટવારી વૈભવ પ્રતાપને બેદરકારી બદલ સસ્પેન્ડ કરવામાં આવ્યો હતો. CM પુષ્કર સિંહ ધામીના આદેશ બાદ SIT આ મામલાની તપાસ કરી રહી છે. IPS પી રેણુકા દેવી SIT ટીમનું નેતૃત્વ કરી રહ્યા છે. એવી શક્યતા છે કે ટૂંક સમયમાં વધુ કેટલાક લોકોની પણ ધરપકડ કરવામાં આવે. અંકિતા ભંડારી હત્યા કેસમાં અત્યાર સુધીની તપાસમાં એ વાત સામે આવી છે કે જ્યારે અંકિતાના પિતા પ્રથમ વખત રેવન્યુ પોલીસ તંત્રના સ્થાનિક પટવારી અને રેવન્યુ ઈન્સપેક્ટર વૈભવ પ્રતાપ સિંહ પાસે ગુમ થયાની ફરિયાદ નોંધાવવા આવ્યા ત્યારે તેમની વાત સાંભળવામાં આવી ન હતી. ફરિયાદનો રિપોર્ટ પણ નોંધાયો ન હતો.
FIR નોંધાવી ન હતી: અંકિતા ભંડારી હત્યા કેસમાં પટવારી વૈભવ પ્રતાપે જણાવ્યું હતું કે, પુલકિત આર્ય 19 સપ્ટેમ્બરની રાત્રે બે વાગ્યે તેમની પાસે આવ્યો હતો. પુલિકત આર્યએ તેને અંકિતાના ગુમ થવા અંગે જાણ કરી હતી. આના પર તેણે FIR નોંધાવી ન હતી અને કહ્યું હતું કે, ગુમ થયાના 24 કલાક પછી જ રિપોર્ટ દાખલ કરી શકાશે. વૈભવ પ્રતાપે જણાવ્યું કે, તેણે પુલકિતને આ અંગે અંકિતાના પિતાને જાણ કરવાની સલાહ આપી. જોકે, તેણે ઓળખ માટે અંકિતાનો ફોટો અથવા આધાર કાર્ડ માંગ્યું હતું. આ પછી તહસીલદારની મંજૂરી મળતાં તેઓ રજા પર ઉતરી ગયા હતા.
શુક્રવારે મળ્યો મોબાઈલ: શુક્રવારે જ તપાસ ટીમને ચિલા કેનાલ નજીકથી મોબાઈલ મળ્યો હતો. તેને તપાસ માટે ફોરેન્સિક લેબમાં મોકલવામાં આવ્યો છે. હજુ સુધી SITને અંકિતાનો મોબાઈલ મળ્યો નથી. જો આ મોબાઈલ અંકિતાનો છે તો SITને ઘણી મહત્વની કડીઓ મળી શકે છે. આ કેસના મુખ્ય આરોપી પુલકિત આર્યનો મોબાઈલ પણ ગાયબ છે. આ તપાસ બાદ જ ખબર પડશે કે કોનો મોબાઈલ મળ્યો છે. જો આ ઘટના સાથે સંબંધિત કોઈ વ્યક્તિ સાથે આવું થાય તો મોટો ખુલાસો થઈ શકે છે, એવી SITને આશા છે.
અંકિતા હત્યા કેસના આરોપી પોલીસ રિમાન્ડ પર: ગુરુવારે કોટદ્વારની કોર્ટે અંકિતા ભંડારી હત્યા કેસના ત્રણેય આરોપીઓને ત્રણ દિવસના પોલીસ રિમાન્ડ (Police remand to accused in Ankita Bhandari murder case) પર મોકલી આપ્યા હતા. આ વાતની પુષ્ટિ કરતા જિલ્લા જેલ પૌડીના જેલર બીપી સિંહે કહ્યું કે મુખ્ય આરોપી પુલકિત સહિત ત્રણ આરોપીઓને SITના તપાસકર્તાઓને સોંપવામાં આવ્યા છે. SIT હવે ત્રણેય આરોપીઓની પૂછપરછ કરી રહી છે.
