નવી દિલ્હી: રાષ્ટ્રીય તપાસ એજન્સી (NIA) એ ગુરુવારે દિલ્હી એરપોર્ટ પરથી લુધિયાણા કોર્ટ સંકુલ બ્લાસ્ટ કેસના (ludhiana court complex blast case) આરોપી હરપ્રીત સિંહ ઉર્ફે હેપ્પીની ધરપકડ કરી છે. (NIA ARRESTS HARPREET SINGH )એનઆઈએ પહેલા જ હરપ્રીત સિંહ પર 10 લાખ રૂપિયાનું ઈનામ જાહેર કરી ચૂક્યુ હતું, જેની વિરુદ્ધ સ્પેશિયલ એનઆઈએ કોર્ટ તરફથી બિનજામીનપાત્ર વોરંટ જારી કરવામાં આવ્યું હતું. તેના માટે લુક આઉટ સર્ક્યુલર પણ ખોલવામાં આવ્યો હતો. NIA દ્વારા તાજેતરની ધરપકડની પુષ્ટિ કરવામાં આવી છે.
કસ્ટડીમાં લીધો હતો: પાકિસ્તાન સ્થિત કાવતરાખોર લખબીર સિંહ રોડેના નિર્દેશો પર કામ કરતા, હરપ્રીત સિંહે કસ્ટમ-મેઇડ IED (ઇમ્પ્રુવાઇઝ્ડ એક્સપ્લોઝિવ ડિવાઇસ)ની ડિલિવરીનું સંકલન કર્યું હતું જે પાકિસ્તાનથી તેના ભારત સ્થિત સહયોગીઓને મોકલવામાં આવ્યું હતું. આનો ઉપયોગ લુધિયાણા કોર્ટ સંકુલમાં બ્લાસ્ટ કરાવવામાં કરવામાં આવ્યો હતો. ફરાર આતંકવાદી હરપ્રીત સિંહ મલેશિયાના કૌલા લંપુરથી દિલ્હી એરપોર્ટ પહોંચ્યો ત્યારે NIAની ટીમે તેને પોતાની કસ્ટડીમાં લીધો હતો.
બોમ્બ વિસ્ફોટથી સંબંધિત: આ કેસ ડિસેમ્બર 2021માં લુધિયાણા કોર્ટ બિલ્ડીંગમાં થયેલા પ્રચંડ બોમ્બ વિસ્ફોટથી સંબંધિત છે.(LUDHIANA COURT COMPLEX BLAST CASE ) વિસ્ફોટમાં એક વ્યક્તિનું મૃત્યુ થયું હતું અને 6 વ્યક્તિઓ ઈજાગ્રસ્ત થયા હતા. આ કેસ શરૂઆતમાં 23 ડિસેમ્બર, 2021ના રોજ પંજાબના જિલ્લા લુધિયાણા કમિશનરેટના પોલીસ સ્ટેશન વિભાગ-5માં નોંધવામાં આવ્યો હતો અને બાદમાં 13 જાન્યુઆરી, 2022ના રોજ NIA દ્વારા આ મામલાની તપાસ હાથ ધરવામાં આવી હતી.
વિવિધ કેસોમાં વોન્ટેડ: તપાસમાં જાણવા મળ્યું છે કે, ISYFના પાક-સ્થિત સ્વ-શૈલી ચીફ લખબીર સિંહ રોડેનો સહયોગી હરપ્રીત સિંહ, રોડે સાથે લુધિયાણા કોર્ટ બિલ્ડીંગ વિસ્ફોટના કાવતરાખોરોમાંનો એક હતો. ધરપકડ કરાયેલ આરોપી પણ સંડોવાયેલો હતો અને વિવિધ કેસોમાં વોન્ટેડ હતો. જેમાં વિસ્ફોટકો, શસ્ત્રો અને માદક પદાર્થોની દાણચોરીનો સમાવેશ થાય છે. આ કેસમાં વધુ તપાસ ચાલુ છે.