સરકારી મહેમાનો ટૂંક સમયમાં મારા ઘરે આવી શકે છે, અમે તેમનું સ્વાગત કરીએ છીએ: નવાબ મલિક

મહારાષ્ટ્રના પ્રધાન નવાબ મલિકે ( Nawab Malik )આશંકા વ્યક્ત કરી છે કે તેમના ઘરે ટૂંક સમયમાં દરોડા પડી શકે છે. મલિકે ટ્વીટ કરીને કહ્યું કે અમારે ડરવાની જરૂર નથી, લડવાનું છે. મહાત્મા ગાંધી ગોરાઓ સાથે લડ્યા હતા, અમે ચોરો સાથે લડીશું.

• મહારાષ્ટ્રના પ્રધાન નવાબ મલિકે આશંકા વ્યક્ત કરી
• તેમના ઘરે ટૂંક સમયમાં દરોડા પડી શકે
• મલિકે NCB ઓફિસર સમીર વાનખેડે પર અનેક ગંભીર આરોપો લગાવ્યા હતા

મુંબઈઃ મહારાષ્ટ્રના પ્રધાન નવાબ મલિકએ( Nawab Malik ) શુક્રવારે રાત્રે કહ્યું કે તેમને ખબર પડી છે કે અમુક સરકારી મહેમાનો(Government guests ) તેમને મળવા આવી રહ્યા છે.

ગાંધીજી ગોરાઓ સાથે લડ્યા હતા, અમે ચોરો સાથે લડીશું

રાષ્ટ્રવાદી કોંગ્રેસ પાર્ટી (Nationalist Congress Party -NCP)ના નેતા મલિકે ટ્વિટ કર્યું, 'મિત્રો, મેં સાંભળ્યું છે કે સરકારી મહેમાનો (Government guests ) આજે કે કાલે મારા ઘરે આવવાના છે, અમે તેમનું સ્વાગત કરીએ છીએ. ડરવું એટલે રોજ મરવું, આપણે ડરવાની જરૂર નથી, લડવાનું છે. ગાંધીજી ગોરાઓ સાથે લડ્યા(Gandhiji fought with the British) હતા, અમે ચોરો સાથે લડીશું.તેણે ગયા મહિને દાવો કર્યો હતો કે કેટલાક અજાણ્યા લોકોએ મુંબઈમાં તેના નિવાસસ્થાને રેકી કરવાનો પ્રયાસ કર્યો હતો અને તેના અને તેના પરિવારના સભ્યો વિશે માહિતી એકત્રિત કરવાનો પ્રયાસ કર્યો હતો.

વાનખેડે પર અનેક ગંભીર આરોપો લગાવ્યા

મુંબઈના ક્રૂઝ ડ્રગ્સ કેસમાં (Mumbai Cruise Drugs Case )અભિનેતા શાહરૂખ ખાનના પુત્ર આર્યન ખાનની ધરપકડ બાદ NCP નેતા નવાબ મલિકે NCB ઓફિસર સમીર વાનખેડે( NCB officer Sameer Wankhede)પર અનેક ગંભીર આરોપો લગાવ્યા હતા.આ પછી મહારાષ્ટ્રના પૂર્વ મુખ્યપ્રધાન દેવેન્દ્ર ફડણવીસે આરોપ લગાવ્યો હતો કે નવાબ મલિકના અંડરવર્લ્ડ સાથે સંબંધો છે. જોકે, મલિકે કહ્યું હતું કે તેનો અંડરવર્લ્ડ સાથે કોઈ સંબંધ નથી.

આ પણ વાંચોઃ Venkateswara Swamy Temple in Tirumala: તિરુમાલાના શ્રી વેંકટેશ્વર સ્વામી મંદિરમાં ભક્ત દ્વારા 3 કરોડનાં સોનાનું કરાયું દાન

આ પણ વાંચોઃ Farmers celebrate Victory Day: આજે દેશભરમાં ખેડૂતો વિજય દિવસની ઉજવણી કરશે