હૈદરાબાદ: લેફ્ટનન્ટ કર્નલ વી.વી.બી. રેડ્ડીના પાર્થિવ દેહને શુક્રવારે રાત્રે બેગમપેટ એરફોર્સ સ્ટેશન લાવવામાં આવ્યો હતો. રેડ્ડીને સંપૂર્ણ સૈન્ય સન્માન સાથે શ્રદ્ધાંજલિ આપવામાં આવી હતી અને સેનાના તેલંગાણા-આંધ્ર પ્રદેશ પેટા પ્રદેશના કમાન્ડિંગ કાર્યકારી જનરલ ઓફિસર બ્રિગેડિયર કે સોમાશંકરે નશ્વર અવશેષો પર પુષ્પાંજલિ અર્પણ કરી હતી, એમ સંરક્ષણ મંત્રાલય દ્વારા જારી કરાયેલા એક નિવેદનમાં જણાવાયું હતું.
લેફ્ટનન્ટ કર્નલ રેડ્ડી છેલ્લા લગભગ 20 વર્ષથી સેનામાં: મૃતદેહને હૈદરાબાદથી મલકાજગીરી સ્થિત રેડ્ડીના નિવાસસ્થાને લઈ જવામાં આવ્યો હતો અને શનિવારે તેમના અંતિમ સંસ્કાર કરવામાં આવે તેવી શક્યતા છે. કૌટુંબિક સૂત્રોએ જણાવ્યું કે નેશનલ ડિફેન્સ એકેડમી (NDA)ના ભૂતપૂર્વ વિદ્યાર્થી લેફ્ટનન્ટ કર્નલ રેડ્ડી છેલ્લા લગભગ 20 વર્ષથી સેનામાં સેવા આપી રહ્યા હતા. તેમની પત્ની સેનામાં ડેન્ટિસ્ટ છે. ઉપરાંત તેમના પરિવારમાં બે પુત્રી છે.
Encounter in Pulwama: પુલવામામાં આતંકવાદીઓ અને સુરક્ષાદળો વચ્ચે એન્કાઉન્ટર
તેલંગાણાના યાદદ્રી-ભોંગિર જિલ્લાના બોમ્માલા રામારામ ગામના રહેવાસી: પરિવારના સૂત્રોએ જણાવ્યું કે લેફ્ટનન્ટ કર્નલ રેડ્ડીનો પરિવાર મલકાજગીરી વિસ્તારમાં રહે છે. તે મૂળ તેલંગાણાના યાદદ્રી-ભોંગિર જિલ્લાના બોમ્માલા રામારામ ગામના રહેવાસી હતો. અરુણાચલ પ્રદેશના પશ્ચિમ કામેંગ જિલ્લાના મંડલા નજીક ગુરુવારે સવારે આર્મી ચિતા હેલિકોપ્ટર ક્રેશ થયું હતું, જેમાં લેફ્ટનન્ટ કર્નલ વી.વી.બી. રેડ્ડી અને કો-પાઈલટ મેજર જયનાથ એ. મૃત્યુ પામ્યા.
હેલિકોપ્ટરને પ્રતિકૂળ હવામાનનો સામનો કરવો પડ્યો: સંરક્ષણ પ્રવક્તા લેફ્ટનન્ટ કર્નલ મહેન્દ્ર રાવતે ગુવાહાટીમાં જણાવ્યું કે હેલિકોપ્ટર આસામના સોનિતપુર જિલ્લાથી અરુણાચલ પ્રદેશના તવાંગ જઈ રહ્યું હતું. તેમણે જણાવ્યું હતું કે ફ્લાઇટ દરમિયાન હેલિકોપ્ટરને પ્રતિકૂળ હવામાનનો સામનો કરવો પડ્યો હતો અને તે મિસામારી પરત ફરી રહ્યું હતું ત્યારે અકસ્માત થયો હતો. છેલ્લા કેટલાક સમયથી સેનાના હેલિકોપ્ટર અકસ્માતની મોટી ઘટનાઓ બની છે. તમને જણાવી દઈએ કે ગયા વર્ષે ઓક્ટોબરમાં અરુણાચલ પ્રદેશમાં સેનાનું હેલિકોપ્ટર રુદ્ર ક્રેશ થયું હતું. આ અકસ્માતમાં રેસ્ક્યુ ટીમે પાંચ મૃતદેહ બહાર કાઢ્યા હતા.
