મોરેના(મધ્યપ્રદેશ): મુરેનામાંથી એક હ્રદયસ્પર્શી કિસ્સો પ્રકાશમાં આવ્યો છે, જ્યાં ગરીબ પિતા પોતાના બાળકના મૃતદેહને ઘરે લઈ જવા માટે સસ્તા દરે (dead body of 2 year old brother) વાહનની શોધમાં ફરતો હતો અને 8 વર્ષનો બાળક તેના ભાઈની લાશને ખોળામાં લઈને (Innocent sitting with brother dead body) બેઠો હતો. જેણે પણ આ વિચલિત નજારો જોયો, તેનો આત્મા કંપી ગયો અને તેની આંખોમાંથી આંસુ નીકળી ગયા હતાં. જોકે જિલ્લા હોસ્પિટલમાંથી મૃતદેહ લેવા માટે કોઈ વાહન મળ્યું ન હતું, પરંતુ જ્યારે મામલો પાછળથી ઉગ્ર બન્યો ત્યારે તાત્કાલિક એમ્બ્યુલન્સની વ્યવસ્થા કરવામાં આવી હતી.
આ પણ વાંચો: અનોખી રેસ્ટોરન્ટ : હવે સામાન્ય માણસો પણ પ્લેનમાં બેસીને ભોજનનો આણંદ માણી શકશે
મૃતદેહને લઈ જવા માટે કોઈ વાહન નથી: મોરેનાના અંબાહ તાલુકાના બડફરા ગામમાં રહેતા પૂજારામ જાટવ તેમના બે વર્ષના પુત્ર રાજા (નામ બદલેલ છે)ને એમ્બ્યુલન્સ મારફતે અંબાહ હોસ્પિટલમાંથી રીફર કર્યા બાદ જિલ્લા હોસ્પિટલ મોરેના (Morena District Hospital) લઈ આવ્યા હતા. એનિમિયા અને પેટની સમસ્યાને કારણે પાણી ભરાવાની બીમારીથી પીડિત રાજાનું જિલ્લા હોસ્પિટલમાં સારવાર દરમિયાન મૃત્યુ થયું હતું. અંબા હોસ્પિટલમાંથી રાજાને લઈને આવેલી એમ્બ્યુલન્સ પાછી ગઈ, રાજાના મૃત્યુ પછી તેના ગરીબ પિતાએ હોસ્પિટલના ડોક્ટર અને સ્ટાફને બાળકના મૃતદેહને ગામ લઈ જવા માટે વાહન માંગ્યું, તો તેઓએ એમ કહીને ના પાડી દીધી કે " મૃતદેહ લેવા માટે દવાખાનામાં કોઈ વાહન નથી. મૃતદેહને ભાડાની કારમાં લઈ જાઓ."
મૃતદેહ સાથે બેસી રહ્યો 8 વર્ષનો બાળક: બાદમાં હોસ્પિટલના પ્રાંગણમાં ઉભી રહેલી એમ્બ્યુલન્સના સંચાલકે મૃતદેહ લેવા માટે દોઢ હજાર રૂપિયા માંગ્યા હતા, પરંતુ પૂજારામ પાસે એટલી રકમ ન હતી. જે તેઓ તેમના પુત્રના મૃતદેહને હોસ્પિટલની બહાર લઈ ગયા હતા. હોસ્પિટલની બહાર પણ કોઈ વાહન ન મળ્યું ત્યારે પૂજારામે તેના 8 વર્ષના પુત્ર પ્રેમ (નામ બદલેલ છે) ને નહેરુ પાર્કની સામે રોડ કિનારે બેસાડ્યો અને નાના પુત્રના મૃતદેહને પ્રેમના ખોળામાં રાખીને સસ્તા દરે વાહન શોધવા ગયો.
આ પણ વાંચો: અષાઢી અગિયારસ નિમિતે આ મંદિરમાં ભાવિકોને 10 ટનની સાબુદાણાની ખિચડી અપાઈ
આ રીતે ઘરે પહોંચ્યો મૃતદેહ: પ્રેમ તેના ભાઈના મૃતદેહને ખોળામાં લઈને ઘણા કલાકો સુધી બેઠો (Innocent sitting with brother dead body) હતો, તે દરમિયાન તેની આંખો રસ્તા પર તેના પિતાના પરત આવવાની રાહ જોતી રહી. ક્યારેક પ્રેમ રડવા લાગ્યો તો ક્યારેક તે પોતાના ભાઈના શરીરને સંભાળ દેતો, આ જોઈને રસ્તા પર પસાર થનારાઓની ભીડ જામી હતી, જેણે પણ આ દ્રશ્ય જોયું તેનો આત્મા કંપી ઉઠ્યો. બાદમાં ઘટનાની માહિતી મળતાં જ કોતવાલી સ્ટેશન પ્રભારી યોગેન્દ્ર સિંહ જાદૌન ઘટનાસ્થળે પહોંચ્યા અને માસૂમ પ્રેમના ખોળામાંથી તેના ભાઈની લાશને ઉપાડીને બંનેને જિલ્લા હોસ્પિટલમાં લઈ ગયા. બાદમાં પ્રેમના પિતા પૂજારામ પણ પહોંચી ગયા, ત્યારબાદ એમ્બ્યુલન્સ દ્વારા મૃતદેહને બાધરા મોકલવામાં આવ્યો.
માસૂમના પિતા પુજારામે કહ્યું કે, "મારે ચાર બાળકો છે, ત્રણ પુત્રો અને એક પુત્રી. જેમાંથી રાજા સૌથી નાનો હતો. મારી પત્ની ત્રણ-ચાર મહિના પહેલા ઘર છોડીને તેના મામાના ઘરે જતી રહી હતી, ત્યારથી હું જાતે જ બાળકોની સંભાળ રાખું છું."
