- ડોમિનિકામાંથી કૌભાંડી મેહુલ ચોક્સીને મળ્યા જામીન
- જામીન મળ્યા બાદ કૌભાંડી મેહુલ ચોક્સી એન્ટીગુઆ અને બારબુડા પહોંચ્યો
- કુખ્યાત કૌભાંડી મેહુલ ચોક્સી વર્ષ 2018થી એન્ટીગુઆમાં રહે છે
નવી દિલ્હીઃ ચોક્સીએ જામીન માગતા પોતાનો મેડીકલ રિપોર્ટ પણ કોર્ટમાં રજૂ કર્યો હતો, જેમાં સિટી સ્કેન પણ શામેલ હતું. રિપોર્ટમાં તેણે 'હેમાટોમા' (માથા સાથે જોડાયેલી બીમારી) હોવાથી સ્થિતિ બગડવાની વાત કહી હતી. ભારતથી કૌભાંડ કરીને ભાગેલો કુખ્યાત કૌભાંડી વર્ષ 2018થી એન્ટીગુઆ અને બારબુડા (Antigua and Barbuda)માં રહે છે અને ત્યાંની નાગરિકતા પણ લઈ લીધી છે.
આ પણ વાંચોઃ પ્રતિષ્ઠિત થવાં અને બેન્કથી લોન લેવા માટે મેહુલ ચોકસીની સુરત હીરા ઉદ્યોગ પર 30 વર્ષ પહેલાંથી જ નજર હતી
જામીન રાશિ આપ્યા પછી ચોક્સીને એન્ટીગુઆ જવાની મંજૂરી આપી હતી
કૌભાંડી ચોક્સી સામે ડોમિનિકા (Dominica)માં ગેરકાયદેસર પ્રવેશ કરવાનો આરોપ છે. જ્યારે તેના વકીલોએ દાવો કર્યો હતો કે, આ તેના અપહરણનું ષડયંત્ર હતું. ડોમિનિકા હાઈકોર્ટે (Dominica High Court) ચોક્સી (62)ને તેની સારવાર માટે જામીન આપી છે. એન્ટીગુઆ (Antigua) ન્યૂઝરૂમના સમાચાર અનુસાર, કોર્ટે 10 હજાર ઈસ્ટર્ન કેરેબિયન ડોલર (પોણા ત્રણ લાખ રૂપિયા) જામીન રાશિ તરીકે આપ્યા પછી ચોક્સીને એન્ટીગુઆ (Antigua) જવાની મંજૂરી આપી હતી.
આ પણ વાંચોઃ બિલકુલ બકવાસ, મેહુલ ચોક્સીના અપહરણમાં અમારો કોઇ ભાગ નથીઃ ડોમિનિકા PM Roosevelt Skerrit
ડોમિનિકામાં કૌભાંડી મેહુલ ચોક્સીની થઈ હતી ધરપકડ
ઉલ્લેખનીય છે કે, પંજાબ નેશનલ બેન્ક સાથે 13,500 કરોડ રૂપિયાનું કૌભાંડ કરી હીરાનો વેપારી કુખ્યાત મેહુલ ચોક્સી 23 મેએ એન્ટીગુઆ અને બારબુડામાં શંકાસ્પદ હાલમતાં ગુમ થયો હતો. ત્યારબાદ તેના પાડોશી દેશ ડોમિનિકામાં તે ગેરકાયદેસર દાખલ થવાના આરોપમાં કસ્ટડીમાં હતો. જોકે, ડોમિનિકા કોર્ટે તેને જામીન આપ્યા હોવાથી તે ફરી એન્ટીગુઆ પહોંચ્યો છે.
