- મહારાષ્ટ્રમાં પુણેના શિવાજી બજારમાં લાગી આગ
- આગને કારણે 25 દુકાનો બળીને રાખ
- આગ લાગવાના કારણોની તપાસ કરાઈ રહી છે
પુણે: મહારાષ્ટ્રના પુણેની એક જૂની ફળ તેમજ શાકભાજી માર્કેટમાં લાગેલી આગમાં ઓછામાં ઓછી 25 દુકાનો બળીને રાખ થઈ ગઈ હતી.
આગને કારણે 25 દુકાનો બળીને રાખ
ફાયર વિભાગના અધિકારીઓએ કહ્યું કે, આ સમયગાળા દરમિયાન કોઈ જાનહાની થવાના સમાચાર મળ્યા નથી. એક અધિકારીએ જણાવ્યું હતું કે, શિવાજી બજારમાં સવારે 4 વાગ્યાની આસપાસ આગ ભભૂકી ઉઠી હતી અને ઓછામાં ઓછી 25 દુકાનો તેના ઝપેટમાં આવી ગઈ હતી.
આ પણ વાંચો: કલકત્તાના બહુમાળી ઈમારતમાં લાગી આગ, 9 લોકોનાં મોત, વડાપ્રધાન મોદીએ મૃતકોને કરી 2 લાખની સહાય
આગ લાગવાના કારણોની તપાસ કરાઈ રહી છે
પુણે મ્યુનિસિપલ કોર્પોરેશનના ફાયર વિભાગના વડા પ્રશાંત રણપિસે કહ્યું હતું કે, આગ લાગી એવો ફોન આવ્યા બાદ અમે પાણીના 9 ટેન્કર મોકલ્યા હતા અને અડધા કલાકમાં આગ પર કાબૂમાં કરી લેવામાં આવ્યો હતો. અધિકારીએ જણાવ્યું હતું કે, આ સમયગાળા દરમિયાન કોઈને ઈજા પહોંચી નથી અને આગ લાગવાના કારણોની તપાસ કરવામાં આવી રહી છે.
આ પણ વાંચો: મહારાષ્ટ્રના થાણેની પ્લાસ્ટિકની ફેક્ટરીમાં આગ
