- પ્રખ્યાત ટ્રિપલ મર્ડર કેસનો રાજા એન્કાઉન્ટરમાં માર્યો ગયો
- અથડામણમાં પાંચ પોલીસકર્મી પણ ઇજાગ્રસ્ત
- આરોપી દિલીપ ગુજરાતના દાહોદ જિલ્લાના ખરેડી ડૂંગરી ગામનો રહેવાસી
રતલામઃ શહેરમાં એક અઠવાડિયા પહેલા થયેલા ટ્રિપલ મર્ડરનો રાજા દિલીપ દેવલને પોલીસ અથડામણમાં ઠાર મારવામાં આવ્યો છે. આરોપીએ પોલીસ પર ફાયરિંગ કર્યું હતું. જેમાં 2 સબ ઇન્સ્પેક્ટર અને ત્રણ પોલીસ સામેલ છે. ઇજાગ્રસ્ત એસઆઇનું નામ માણક ચોક પોલીસ સ્ટેશન પ્રભારી અયૂબ ખાન તેમજ અનુરાગ છે. ઇજાગ્રસ્ત પોલીસકર્મીઓને સરકારી હોસ્પિટલમાં સારવાર માટે મોકલવામાં આવ્યા છે. પોલીસ અધિકરાીઓએ સાઇકો કિલરના માર્યા જવાની પુષ્ટિ કરી છે. આરોપી દિલીપ દાહોદ જિલ્લાના ખરેડી ડૂંગરી ગામનો રહેવાસી હતો.
ખાચરોદ રોડ પર લોકેશન મળ્યું હતું
બુધવારે પોલીસને ટ્રિપલ મર્ડર કેસનો ખુલાસો કર્યો હતો. આ મામલે ત્રણ આરોપીઓની ધરપકડ કરવામાં આવ્યા હતા, જ્યારે મુખ્ય આરોપી દિલીપ દેવળા ફરાર હતો. એસપી ગૌરવ તિવારીએ જણાવ્યું કે, ગુરૂવારે ખાચરોદ રોડ પર દિલીપનું લોકેશન પોલીસને મળ્યું હતું. જેના પર તેની ઘેરાબંધી કરવામાં આવી હતી. પોલીસને જોઇને દિલીપે ફાયરિંગ શરૂ કર્યું હતું, જે બાદ તેના વળતા જવાબમાં પોલીસે પણ ફાયરિંગ કર્યું હતું. એક ગોળી દિલીપને લાગી અને તે મરી ગયો હતો. દિલીપ પર આ હત્યાકાંડ પહેલા પણ અનેક ગુનાઓ દાખલ છે.
ઘટનાસ્થળે થયું મોત
પોલીસને સૂચના મળી હતી કે, દિલીપ ફોરલેન નજીક ખાચરોદ માર્ગ પાસેથી ક્યાંક જઇ રહ્યો હતો. સૂચના મળ્યા બાદ એસપી ગૌરવ તિવારીના નિર્દેશનમાં પોલીસદળે નાકાબંધી કરી હતી. દિલીપે પોલીસદળ પર ફાયરિંગ પણ કર્યું હતું. પોલીસે પણ જવાબી કાર્યવાહી કરી હતી. જેમાં દિલીપને ગોળી વાગતા નજીકની હોસ્પિટલમાં લઇ જવાયો હતો. જ્યાં ડૉકટર્સે તેને મૃત જાહેર કર્યો હતો.
CM શિવરાજે રતલામ પોલીસનો માન્યો આભાર
સીએમ શિવરાજે રતલામ પોલીસની સમગ્ર ટીમનો આભાર વ્યક્ત કર્યો છે. તેમણે કહ્યું કે, 'મધ્ય પ્રદેશ આજે ફરીથી શાંતિથી સુઇ શકશે. કારણ કે, તમે અમારા રક્ષક છો. જ્યારે પોલીસ ટીમ તેને પકડવા ગઇ તો તેના પર ગોળીબાર થયો હતો અને આપણા બહાદુર જવાનોએ તેનો મુંહતોડ જવાબ આપ્યો હતો. આપણા અમુક કર્મીઓ આ અથડામણમાં ઇજાગ્રસ્ત થયા છે. હું તેના જલ્દી સ્વસ્થ થવાની પ્રાર્થના કરું છું.'
શું હતો ટ્રિપલ મર્ડર કેસ
રતલામ શહેર ઔદ્યોગિક વિસ્તાર પોલીસ સ્ટેશન હેઠળ રાજીવ નગરમાં એક મકાનમાં રહેતા 25 નવેમ્બરની રાત્રે 50 વર્ષીય ગોવિંદારામ સોલંકી, તેની પત્ની શારદા અને 20 વર્ષિય પુત્રી દિવ્યાની ગોળી મારીને હત્યા કરવામાં આવી હતી. પરિવાર ઘરના બીજા માળે રહેતા હતા. બીજા જ દિવસે જ્યારે ત્રીજા માળે રહેતી ભાડુત નર્સ તેના સ્કૂટરની ચાવી લેવા પરિવારના ઘરે પહોંચી ત્યારે આખી વાત પ્રકાશમાં આવી હતી.
26 નવેમ્બરે જ પોલીસે દેવરા દેવનારાયણ નગરથી નર્સના સ્કૂટરની તપાસ શરૂ કરી હતી. પોલીસની પૂછપરછમાં જે માહિતી સામે આવી તે અનુસાર મૃતક ગોવિંદરામ સ્ટેશન રોડ સ્થિત એક હેર સલૂનમાં કામ કરતો હતો. જ્યારે તેની પત્ની શારદા વિશે ચોંકાવનારી વાત સામે આવી હતી કે, તે ગેરકાયદે દારૂના કારોબારમાં સામેલ હતી. દિકરી દિવ્યા નર્સિંગનો અભ્યાસ કરી રહી હતી.
