નવી દિલ્હી: આજથી એપ્રિલનો નવો મહિનો શરૂ થયો છે અને પહેલા જ દિવસે ગેસ કંપનીઓએ ગ્રાહકોને રાહત આપી છે. દેશના ઘણા રાજ્યોમાં આજથી નવા દરો લાગુ થઈ ગયા છે. ગેસ કંપનીઓએ એપ્રિલના નવા મહિનાના પહેલા દિવસે મોટી રાહત આપી છે. ગેસ સિલિન્ડરના ભાવને લઈને આજે સવારે મોટી જાહેરાત કરવામાં આવી છે. તમને જણાવી દઈએ કે, તમામ ગેસ કંપનીઓ દર મહિનાની પહેલી તારીખે ગેસ સિલિન્ડરની કિંમત નક્કી કરે છે.
કોમર્શિયલ સિલિન્ડરના દરમાં ઘટાડો: ગેસ કંપનીઓએ કોમર્શિયલ સિલિન્ડરના દરમાં ઘટાડો કર્યો છે, શનિવારે સવારે સરકારી ગેસ કંપનીઓએ એલપીજી ગેસના ભાવમાં ઘટાડો કરવાની જાહેરાત કરી છે. આ કપાત કોમર્શિયલ ગેસ સિલિન્ડર પર કરવામાં આવી છે. 19 કિ.ગ્રા. કોમર્શિયલ ગેસ સિલિન્ડરની કિંમતમાં રૂ.92નો ઘટાડો કરવામાં આવ્યો છે. આ કપાત દેશના મેટ્રો શહેરોમાં કરવામાં આવી છે.
આ નવા દરો છે
- દિલ્હી - 2028.00
- કોલકાતા - 2132.00
- મુંબઈ - 1980.00
- ચેન્નઈ - 2192.50
જૂના દરો જાણો
- દિલ્હી 2119.50
- મુંબઈ 2071.50
- કોલકાતા 2221.50
- ચેન્નઈ 2268.00
Petrol Diesel Price : મહાનગરોમાં પેટ્રોલ ડીઝલના આજના ભાવ જાણો
કોલકાતામાં 89.50 રૂપિયાનો ઘટાડો: આટલા રૂપિયાનો ઘટાડો શનિવારથી રાજધાની દિલ્હીમાં કોમર્શિયલ એલપીજી સિલિન્ડરની કિંમત 91.50 રૂપિયા સસ્તી થઈ ગઈ છે. નવો દર 2028 રૂપિયા પ્રતિ સિલિન્ડર થઈ ગયો છે. કોલકાતામાં 89.50 રૂપિયાનો ઘટાડો કરવામાં આવ્યો છે. હવે નવું સિલિન્ડર રૂ.2132માં મળશે. તે જ સમયે, માયાનગરી મુંબઈમાં કિંમતમાં 91.50 રૂપિયાનો ઘટાડો કરવામાં આવ્યો છે. નવી કિંમત 1980 રૂપિયા પ્રતિ સિલિન્ડર થઈ ગઈ છે. ચેન્નાઈમાં 75.50નો ઘટાડો થયો છે. નવી કિંમત 2192.50 રૂપિયા થઈ ગઈ છે.
Amul Milk Price Rise: અમૂલ દૂધના ભાવમાં છ મહિનામાં બીજીવાર ભાવ વધારો, તમામ બ્રાંડની કિંમત વધી
કોમર્શિયલ ગેસના ભાવમાં 350 રૂપિયાનો વધારો: ઘરેલું ગેસ સિલિન્ડરની કિંમતમાં કોઈ ફેરફાર નથી ગેસ કંપનીઓએ ઘરેલુ ગેસ સિલિન્ડરની કિંમતમાં કોઈ ફેરફાર કર્યો નથી. રાજધાની નવી દિલ્હીમાં એલપીજી ગેસની કિંમત 1103 રૂપિયા પ્રતિ સિલિન્ડર છે. ગયા મહિને કંપનીઓએ તેની કિંમતમાં 50 રૂપિયાનો વધારો કર્યો હતો. કોમર્શિયલ ગેસના ભાવમાં 350 રૂપિયાનો વધારો કરવામાં આવ્યો હતો.
