રાંચી(ઝારખંડ): રાજધાની રાંચીના એરપોર્ટ પોલીસ સ્ટેશન વિસ્તારમાં મકાનમાલિક અને ભાડૂઆત વચ્ચે બોલાચાલી થઈ હતી. એક મકાનમાલિકે તેના જ ભાડૂઆતને ગોળી મારીને ઘાયલ કર્યો હતો. (Landlord shot renter in Ranchi) ભાડૂઆત દરરોજ મોડી રાત્રે પરત ફરતો હતો. જે બદલ મકાનમાલિક તેના ભાડુઆતથી નારાજ હતો. આ બાબતે રવિવારે મોડી રાત્રે ભાડુઆત અને મકાનમાલિક વચ્ચે ઝઘડો થયો હતો, ત્યારબાદ મકાન માલિકે ભાડુઆતને ગોળી મારી દીધી હતી. (fairing in ranchi)
આ પણ વાંચો: દિલ્હીમાં માલ સામાન લઈને જતા લિફ્ટ પડી,ત્રણ શ્રમિકોના મોત
શું છે સમગ્ર મામલોઃ મળતી માહિતી મુજબ, હરિલાલ યાદવ ઉર્ફે બબલુ યાદવ ખોખમા ટોલીમાં સેનાના જવાન રાજેશ તિવારીના ઘરે ભાડેથી રહે છે. ભાડુઆત બબલુ હંમેશા કામના કારણે મોડા ઘરે આવતો હતો. રવિવારે પણ તે ઘરે મોડો પહોંચ્યો હતો. જવાને તેને કહ્યું કે જો તે મોડો આવશે તો દરવાજો ખોલવામાં આવશે નહીં. દરવાજો ખોલવા માટે રાત્રે ઉઠવું મુશ્કેલ છે. આના પર ભાડુઆતે તેને તેની અલગ ચાવી આપવા કહ્યું હતું. આ બાબતે બંને વચ્ચે બોલાચાલી થઈ હતી.
આ પણ વાંચો: ચેન્નાઈના કાર રેસર કુમારનું અકસ્માતમાં મોત
આરોપીની ધરપકડઃ મામલો એટલો વધી ગયો કે આરોપી જવાને લાયસન્સવાળી પિસ્તોલથી ભાડુઆત પર ફાયરિંગ કર્યું હતું. ગોળી ભાડુઆતના પગમાં વાગી હતી. ઘટનાની માહિતી મળતાં એરપોર્ટ પોલીસ સ્ટેશનની પોલીસ ઘટનાસ્થળે પહોંચી હતી અને આરોપી જવાનની ધરપકડ કરી હતી. સાથે જ પોલીસે ઘટનામાં વપરાયેલી પિસ્તોલ પણ જપ્ત કરી લીધી છે. આ અંગે વધુ તપાસ હાથ ધરી છે.
