બેંગલુરુ: કર્ણાટકમાં 58 શહેરી સ્થાનિક સંસ્થાઓ, 57 ગ્રામ પંચાયતો અને 9 વોર્ડની પેટાચૂંટણીના(Karnataka Local Elections) પરિણામો શાસક ભાજપ અને વિરોધ પક્ષ કોંગ્રેસ(BJP Congress in Karnataka) માટે મિશ્ર રહ્યા છે. બંનેએ જીતનો દાવો કર્યો અને કહ્યું કે તેમની પાસે બહુમતી અને લોકોનો વિશ્વાસ છે. યુએલબીની ચૂંટણી ત્રણ વર્ષના વિલંબ સાથે 27 ડિસેમ્બરે યોજાઈ હતી. મતગણતરી(Karnataka Local Polls) શરૂ થયા બાદ ભાજપ અને કોંગ્રેસ વચ્ચે નજીકની લડાઈના વલણો દર્શાવે છે.
મની પાવરથી ચૂંટણી જીતી શકાય: સિદ્ધારમૈયા
જો કે, મુખ્ય પ્રધાન બસવરાજ બોમાઈને(CM Basavaraj Bommai) આંચકો લાગ્યો હતો કારણ કે, કોંગ્રેસ બાંકાપુરા નગરપાલિકા જીતવામાં સફળ રહી હતી, જે હાવેરી જિલ્લાના શિગ્ગાવી મતવિસ્તાર હેઠળ આવે છે, જેનું તેઓ પ્રતિનિધિત્વ કરે છે. વિપક્ષના નેતા સિદ્ધારમૈયાએ દાવો કર્યો કે આ પરિણામ દર્શાવે છે કે લોકો ભાજપ સરકારથી નિરાશ છે. તેમણે કહ્યું કે પરિણામોએ બતાવ્યું છે કે મની પાવરથી ચૂંટણી જીતી શકાતી નથી.
રાજ્યમાં કોંગ્રેસ તરફ લહેર : સિદ્ધારમૈયા
સિદ્ધારમૈયાએ કહ્યું, "રાજ્યભરમાં સ્થાનિક સંસ્થાઓની 1,187 બેઠકો માટે યોજાયેલી ચૂંટણીમાં કોંગ્રેસે 500થી વધુ બેઠકો જીતી છે અને ભાજપે 434 બેઠકો જીતી છે અને જેડીએ 45 બેઠકો જીતી છે." 100થી વધુ સ્થાનિક સંસ્થાઓએ(Local Body Elections in Karnataka) ખંડિત આદેશ આપ્યો છે. રાજ્યમાં કોંગ્રેસ તરફ લહેર છે.
લોકોએ કોંગ્રેસ પર વિશ્વાસ વ્યક્ત કર્યો છે : કોંગ્રેસ પ્રમુખ
કોંગ્રેસ પ્રમુખ ડીકે શિવકુમારે કહ્યું કે, સ્થાનિક સંસ્થાઓની ચૂંટણીના પરિણામો(Karnataka Urban Local Body Election Result) કર્ણાટકના લોકોનો મૂડ દર્શાવે છે. તેમણે કહ્યું, 'આ કોંગ્રેસ અને રાજ્યની જનતાની જીત છે. માત્ર ગ્રામીણ લોકો જ નહીં પરંતુ શહેરી વિસ્તારના લોકોએ પણ પાર્ટીને સમર્થન આપ્યું છે. "લોકોએ અમારામાં વિશ્વાસ વ્યક્ત કર્યો છે અને અમે ભવિષ્યમાં તેમની અપેક્ષાઓ પર ખરા ઉતરીશું".
2023માં ભાજપ ફરી સત્તામાં : બસવરાજ બોમાઈ
સિદ્ધારમૈયાના દાવાઓ પર પ્રતિક્રિયા આપતા, મુખ્યપ્રધાન બસવરાજ બોમાઈએ કહ્યું કે, કોંગ્રેસ કેટલીક મ્યુનિસિપલ કોર્પોરેશન સીટો જીતવામાં સફળ રહી છે, જ્યાં લઘુમતી વસ્તી વધારે છે. બોમાઈએ કહ્યું, 'તેમને આનાથી ખુશ થવા દો. અમે તેમના કરતા વધુ ગ્રામ પંચાયત બેઠકો જીતી છે. મ્યુનિસિપલ કોર્પોરેશનોમાં પણ પરિણામો સાનુકૂળ છે. 2023માં ભાજપ ફરી સત્તામાં આવવાનું છે, સિદ્ધારમૈયા અને કોંગ્રેસે તે ચૂંટણીની ચિંતા કરવી જોઈએ.
વિકાસ પ્રધાન કહ્યું કે ભવિષ્યની ચૂંટણીમાં ભાજપને સત્તામાં લાવવાનો પ્રયાસ
પંચાયતી રાજ અને ગ્રામીણ વિકાસ પ્રધાન કેએસ ઇશ્વરપ્પાએ સિદ્ધારમૈયાના દાવાઓની મજાક ઉડાવતા કહ્યું કે 'તેઓ એવા દંપતી જેટલા ખુશ છે જેમને લગ્નના 25 વર્ષ પછી સંતાન છે'. ભાજપ જ્યાં પણ જીતશે ત્યાં અમે વિકાસના કામો કરીશું અને ભવિષ્યની ચૂંટણીમાં ભાજપને સત્તામાં લાવવાનો પ્રયાસ કરીશું. કોંગ્રેસે 14 વોર્ડ, ભાજપે 7 અને 2 અપક્ષ ઉમેદવારો જીત્યા છે. તેવી જ રીતે હાવેરી તાલુકાની ગુટલા નગરપાલિકા પણ કોંગ્રેસના ખાતામાં ગઈ હતી.
વિજયપુરા જિલ્લો ભાજપનો ગઢ
વિજયપુરા જિલ્લામાં છ માંથી ત્રણ મહાનગરપાલિકામાં કોંગ્રેસનો વિજય(Congress in Vijayapura Municipal Corporation) થયો છે. વિજયપુરા જિલ્લો ભાજપનો ગઢ ગણાય છે. બેલગવી જિલ્લામાં પણ ભાજપ ચૂંટણી જીતવામાં નિષ્ફળ રહ્યું છે અને કોંગ્રેસને એક ધાર મળી છે.
આ પણ વાંચોઃ UP Assembly Election 2022 : રાજનીતિક દળો સમયસર ચૂંટણી યોજવાના પક્ષમાં - EC
આ પણ વાંચોઃ Rahul Gandhi Foreign visit : નવા વર્ષ પહેલા રાહુલ ગાંધી વિદેશ પ્રવાસે રવાના
