બેંગલુરુ: કર્ણાટક વિધાનસભા ચૂંટણી માટે મતદાનને હવે માત્ર 5 દિવસ બાકી છે. વડાપ્રધાન મોદી આજથી 3 દિવસ સુધી રાજ્યના અનેક જિલ્લાઓમાં રોડ શો અને કોન્ફરન્સ દ્વારા વોટ માટે પ્રચાર કરશે. PM શુક્રવારે બપોરે દિલ્હીથી કર્ણાટક પહોંચશે. આ પછી, તેઓ બેલ્લારી અને તુમકુર ગ્રામીણમાં જાહેર સભાઓને સંબોધિત કરશે.
પીએમ મોદીના કાર્યક્રમમાં વરસાદની શક્યતા: બેલ્લારી શહેરના કપગલ્લુ રોડ પર આજે બપોરે 2 વાગ્યાથી પીએમ મોદીનો કાર્યક્રમ શરૂ થશે. પરંતુ ગઈરાત્રે પડેલા વરસાદને કારણે સ્થળ પર કાદવ કીચડ થઈ ગયો છે. હજુ પણ આકાશ વાદળછાયું હોવાથી કાર્યક્રમ દરમિયાન વરસાદની સંભાવના છે. વરસાદના કારણે મજૂરો પ્લેટફોર્મ રિપેર કરવાનું કામ કરી રહ્યા છે. કાર્યકરો માટે 80 જેટલી બેઠકોની વ્યવસ્થા કરવામાં આવી છે. જિલ્લાના પાંચ વિધાનસભા મતવિસ્તારોમાંથી આશરે 1.5 થી 2 લાખ પાર્ટી કાર્યકરો ભાગ લે તેવી અપેક્ષા છે.
કાર્યકર્તા સંમેલન: બેલ્લારી કોન્ફરન્સ બાદ પીએમ મોદી તુમકુર જવા રવાના થશે. જિલ્લાની 11 વિધાનસભા બેઠકો માટે ઉમેદવારોની તરફેણમાં પ્રચાર કરવા PM સાંજે 4:30 વાગ્યે તુમકુર પહોંચશે. પીએમ મોદી શહેરના સરકારી પ્રી-ગ્રેજ્યુએશન કોલેજ કેમ્પસમાં યોજાનાર કાર્યકર્તાઓના વિશાળ સંમેલનમાં ભાગ લેશે. આ કોન્ફરન્સમાં લગભગ એક લાખ લોકો આવવાની આશા છે.
બેંગલુરુમાં પીએમ મોદીનો રોડ શો: વડાપ્રધાન મોદી શનિવારે સવારે 10 થી બપોરે 1 વાગ્યા સુધી બેંગલુરુમાં રોડ શો કરશે. રોડ શો જેપી નગરમાં બ્રિગેડ મિલેનિયમથી શરૂ થશે અને મલ્લેશ્વરના સર્કલ મરમ્મા મંદિર સુધી યોજાશે. બાદમાં પીએમ મોદી બદામી (બાગલાકોટ જિલ્લો) જવા રવાના થશે અને સાંજે 4 વાગ્યે કોન્ફરન્સમાં ભાગ લેશે. ત્યાર બાદ સાંજે 7 વાગ્યે હાવેરી ખાતે જાહેર સભા છે. આ પછી પીએમ હુબલી જશે અને ત્યાં રોકાશે.
આ પણ વાંચો |
ત્રણ દિવસનો પ્રવાસ: બીજા દિવસે રવિવારે સવારે 10 થી 11.30 સુધી બેંગલુરુ રોડ શો યોજાશે. જેનું આયોજન સુરંજનદાસ સર્કલથી ટ્રિનિટી સર્કલ સુધી કરવામાં આવશે. નોંધનીય છે કે NEET પરીક્ષાને ધ્યાનમાં રાખીને વડાપ્રધાન કાર્યાલયની સૂચના મુજબ રોડ શોમાં ફેરફાર કરવામાં આવ્યા છે. રવિવારે રોડ શોમાં 4 કિમીનો ઘટાડો કરવામાં આવ્યો છે. બેંગલુરુ રોડ શો પછી, પીએમ સાંજે 4 વાગ્યે શિવમોગા અને સાંજે 7 વાગ્યે મૈસૂરના નંજનગુડમાં જાહેર સભાઓમાં હાજરી આપશે. સભા પૂરી થયા બાદ તેઓ નંજનગુડના શ્રીકાંતેશ્વર મંદિર જશે અને વિશેષ પ્રાર્થના કરશે. બાદમાં તેઓ દિલ્હી જવા રવાના થશે.
