- કોરોના સામેની જંગમાં જોડાઈ ભારતીય નૌસેના
- INS એરાવત કોરોના રાહત સામગ્રી સાથે વિશાખાપટ્ટનમમાં પહોંચ્યું
- ઓક્સિજનની આવશ્યકતાઓને પહોંચી વળવા ઓપરેશન સમુદ્ર સેતુ II શરૂ કરાયું
વિશાખાપટ્ટનમ (આંધ્ર પ્રદેશ): ઓપરેશન 'સમુદ્ર સેતુ II' દ્વારા ભારતીય સેના COVID-19 સામેની દેશની લડતને સમર્થન આપી રહી છે. આ અંતર્ગત ભારતીય નૌકાદળનું જહાજ INS એરાવત ગુરુવારના રોજ વિયેતનામ અને સિંગાપુરથી પ્રવાહી મેડિકલ ઓક્સિજન (LMO), ઓક્સિજન સિલિન્ડર અને વેન્ટિલેટર સહિતના મહત્વપૂર્ણ કોરોના રાહત માલસામાન સાથે વિશાખાપટ્ટનમ પહોંચ્યું હતું.
આ પણ વાંચો: વતનનું ઋણઃ અમેરિકા અને UKમાં વસતાં ડૉકટરે 90 કોન્સન્ટ્રેટર સિવિલ હોસ્પિટલને દાન કર્યા
INS એરાવત કોરોના રાહત સામગ્રી સાથે વિશાખાપટ્ટનમમાં પહોંચ્યું
INS એરાવત (INS Airavat) સાત ક્રાયોજેનિક ઓક્સિજન ટેન્કમાં 158 મેટ્રિક ટન પ્રવાહી તબીબી ઓક્સિજન, 2722 ઓક્સિજન સિલિન્ડર અને વિયેતનામ અને સિંગાપુરથી 10 વેન્ટિલેટર સહિત અન્ય કોરોના રાહત સામગ્રી સાથે વિશાખાપટ્ટનમમાં પહોંચ્યું હતું. ભારતીય નૌસેનાએ આ માહિતી આપી હતી.
યુદ્ધસ્તરે કાર્ય કરી રહી છે ભારતીય નૌસેના
આ પહેલા, 10 મે INS એરાવત સિંગાપુરથી 8 ક્રાયોજેનિક ઓક્સિજન ટેન્ક અને લગભગ 4,000 ઓક્સિજન સિલિન્ડર સાથે અન્ય મહત્વપૂર્ણ રાહત સામગ્રી સાથે વિશાખાપટ્ટનમમાં પહોંચ્યું હતું. આવી જ રીતે 27 મેના રોજ 80 મેટ્રિક ટન સાથે કોચ્ચિ પહોચ્યું હતું.
આ પણ વાંચો: પશ્ચિમ રેલવેએ એક જ દિવસમાં સૌથી વધુ 468 ટન લિક્વિડ મેડિકલ ઓક્સિજનનું પરિવહન કર્યું
ઓક્સિજનની આવશ્યકતાઓને પહોંચી વળવા ઓપરેશન સમુદ્ર સેતુ II શરૂ કરાયું
નૌકાદળ દ્વારા કોરોના કેસોમાં થયેલા વધારાને ધ્યાનમાં રાખીને ઓક્સિજન (Oxygen)ની આવશ્યકતાઓને પહોંચી વળવા ચાલુ રાષ્ટ્રીય મિશનને વધારવા ઓપરેશન સમુદ્ર સેતુ II શરૂ કર્યું હતું. આ અંતર્ગત નૌસેના યુદ્ધના ધોરણે કામ કરી રહી છે અને વિદેશથી મેડિકલ ઓક્સિજન લાવવાની કામગીરી પણ ચાલી રહી છે.
