નવી દિલ્હી અમેરિકી સંસદના સ્પીકર નેન્સી પેલોસીની (US House Speaker Nancy Pelosi) તાઈવાન મુલાકાત બાદથી ચીન તાઈવાન વિરુદ્ધ આક્રમક વલણ અપનાવી રહ્યું છે. ચીને ખુલ્લેઆમ કહ્યું છે કે, તે એક ચીન નીતિના ઉલ્લંઘન માટે યુએસ અને તાઇવાન સામે મજબૂત અને અસરકારક પગલાં લેશે. આ દરમિયાન ચીને સાઉથ ચાઈના સીમાં પોતાનો પાવર શો જારી રાખ્યો છે.
આ પણ વાંચો અવકાશથી પાતાળ સુધી ચીનનું ડ્યુઅલ યુઝ જાસૂસી જહાજ, લંકામાં આવતા ભારતની ચિંતા વધી
પિચ બ્લેક નામનું મોટુ યુદ્ધઅભ્યાસ કરશે તાઈવાનની આસપાસના દરિયાઈ વિસ્તારમાં સતત યુદ્ધઅભ્યાસ કરી રહી છે. આ બધાને ધ્યાનમાં રાખીને ભારત સહિત 17 દેશોના 100 ફાઈટર એરક્રાફ્ટ ઓસ્ટ્રેલિયાના દરિયાઈ વિસ્તારમાં પિચ બ્લેક નામનું મોટુ યુદ્ધઅભ્યાસ (pitch black maneuver) કરશે. જો કે, કોઈપણ દેશે સ્પષ્ટ નથી કર્યું કે ચીનના વલણને ધ્યાનમાં રાખીને આવું કરવામાં આવશે. મળતી માહિતી મુજબ ઓસ્ટ્રેલિયાના દરિયાઈ વિસ્તારમાં 19 ઓગસ્ટથી 6 સપ્ટેમ્બર સુધી એક વિશાળ કવાયત શરૂ કરવામાં આવશે.
100 ફાઈટર એરક્રાફ્ટ પરફોર્મ કરશે તેમાં ભારત સહિત 17 દેશો સામેલ થશે. કહેવામાં આવી રહ્યું છે કે, આ દરમિયાન 100 ફાઈટર એરક્રાફ્ટ પરફોર્મ કરશે. ઓસ્ટ્રેલિયાના દરિયાઈ વિસ્તારમાં આજથી શરૂ થઈ રહેલ આ યુદ્ધઅભ્યાસને ચીનના હઠીલા વલણના જવાબ તરીકે જોવામાં આવી રહી છે. આ યુદ્ધઅભ્યાસમાં સામેલ દેશોએ સ્પષ્ટ કરી દીધું છે કે તેને ચીન સાથે કોઈ લેવાદેવા નથી. જોકે દરેકની નજર તેના પર છે.
લોકશાહી દેશોનું આ સૌથી મોટું પ્રદર્શન હશે મળતી માહિતી મુજબ આ યુદ્ધઅભ્યાસમાં સેનાના 2,500 જવાનો ભાગ લેશે. વૈશ્વિક મહામારી કોરોના પછી લોકશાહી દેશોનું આ સૌથી મોટું પ્રદર્શન હશે. ભારતીય વાયુસેના આ દાવપેચ માટે સુખોઈ 30 MKI અને હવામાં રિફ્યુઅલિંગ એરક્રાફ્ટ મોકલી રહી છે. મીડિયા રિપોર્ટ્સ અનુસાર, ભારત, જાપાન, ઓસ્ટ્રેલિયા, જર્મની, કેનેડા, ફ્રાન્સ, ઈન્ડોનેશિયા, મલેશિયા, નેધરલેન્ડ, ન્યુઝીલેન્ડ, ફિલિપાઈન્સ, દક્ષિણ કોરિયા, સિંગાપોર, થાઈલેન્ડ, સંયુક્ત આરબ અમીરાત, બ્રિટન અને અમેરિકા આ કવાયતમાં ભાગ લેશે.
આ પણ વાંચો ઇજિપ્તના કૈરોમાં કોપ્ટિક ચર્ચમાં આગ લાગતાં 41 લોકોનાં મોત, અનેક ઘાયલ
ભારતીય વાયુસેનાના Su 30MKI ફાઈટર જેટ આ દરમિયાન ભારતીય વાયુસેનાએ એક ટ્વિટ કર્યું છે. તે ભારતીય વાયુસેનાના Su 30MKI ફાઈટર જેટને ઈંધણ ભરતું દર્શાવવામાં આવ્યું છે. ફ્રેન્ચ એરફોર્સ દ્વારા તેને રિફ્યુઅલ કરવામાં આવી રહ્યું છે. આને ભારત ફ્રાન્સના સંબંધોની નિકટતાના ભાગરૂપે જોવામાં આવી રહ્યું છે. ભારતીય વાયુસેનાની ટુકડી પીચ બ્લેક 2022, લશ્કરી યુદ્ધઅભ્યાસમાં ભાગ લેવા માટે રોયલ ઓસ્ટ્રેલિયન એર ફોર્સ (RAAF) ડાર્વિન બેઝ પર જઈ રહી હતી.
