કોલંબો: ભારતે ઊંડા આર્થિક અને રાજકીય સંકટનો સામનો કરી રહેલા શ્રીલંકાને (Economic crisis in Sri Lanka) 65,000 ટન યુરિયાનો તાત્કાલિક પુરવઠો આપવાની ખાતરી (India will supply urea to troubled Sri Lanka) આપી છે, જેનો ઉપયોગ ડાંગરની ખેતી માટે કરવામાં આવશે. શનિવારે સ્થાનિક મીડિયામાં પ્રકાશિત અહેવાલો અનુસાર, નવી દિલ્હીમાં શ્રીલંકાના હાઈ કમિશનર મિલિન્ડા મોરાગોડાએ ગુરુવારે ખાતર સચિવ રાજેશ કુમાર ચતુર્વેદી સાથેની બેઠકમાં ખાતરોનો મુદ્દો ઉઠાવ્યો હતો.
આ પણ વાંચો: શ્રીલંકામાં આર્થિક સંકટઃ રાજપક્ષેના ઘરને લાગાવી આગ, 3 ના મોત
ભારત ટૂંક સમયમાં શ્રીલંકાને 65000 ટન યુરિયા સપ્લાય કરશે: આ દરમિયાન ચતુર્વેદીએ તેમને ખાતરી આપી હતી કે ભારત ટૂંક સમયમાં શ્રીલંકાને 65000 ટન યુરિયા સપ્લાય કરશે. શ્રીલંકાના હાઈ કમિશને આ મદદ માટે ભારતનો આભાર માનતા એક સંદેશમાં જણાવ્યું હતું કે યુરિયાના પુરવઠા પર લાદવામાં આવેલા નિયંત્રણો છતાં પાકની વર્તમાન યાલુ સિઝન માટે યુરિયા સપ્લાય કરવાનો નિર્ણય ભારત દ્વારા લેવામાં આવ્યો હતો. તેની પાછળનો હેતુ ડાંગરની ખેતીની યાલુ સિઝનમાં શ્રીલંકાને તાત્કાલિક મદદ પૂરી પાડવાનો છે. શ્રીલંકાના હાઈ કમિશનરે આ પગલા માટે ચતુર્વેદીનો આભાર માન્યો હતો, જ્યારે ખાતર સચિવે કહ્યું હતું કે આ નિર્ણય પાડોશી દેશની ભારતીય નીતિને અનુરૂપ છે.
આ પણ વાંચો: લંકામાં દહન : શ્રીલંકાએ લીધો મહત્વનો નિર્ણય, 8 લોકોના થયા મોત
કૃષિ પેદાશો પર માઠી અસર: ચતુર્વેદીએ કહ્યું કે યુરિયાના આ કન્સાઈનમેન્ટને વહેલી તકે શ્રીલંકા પહોંચાડવા માટે પગલાં લેવામાં આવી રહ્યા છે. આ બેઠકમાં, બંને અધિકારીઓએ ભારત દ્વારા શ્રીલંકાને આપવામાં આવેલી ક્રેડિટ લાઇન હેઠળ રાસાયણિક ખાતરનો અવિરત પુરવઠો જાળવી રાખવાની રીતો પર ચર્ચા કરી હતી. શ્રીલંકામાં કટોકટી વધુ ઘેરી બનવાની સાથે, ભારતે ગયા જાન્યુઆરીથી લગભગ ત્રણ અબજ ડોલરની લોન, ધિરાણ સુવિધાઓ અને લોન સ્વેપ સુવિધાઓ આપી છે. શ્રીલંકાની સરકારે ગયા વર્ષે જૈવિક ખેતી તરફ આગળ વધવા માટે રાસાયણિક ખાતરોના ઉપયોગ પર પ્રતિબંધ મૂક્યો હતો. જેના કારણે ચોખા અને ચા જેવી કૃષિ પેદાશો પર માઠી અસર પડી હતી.
