ઈન્દોર: ઈન્દોરમાં ભારત અને ઓસ્ટ્રેલિયા વચ્ચે રમાયેલી બીજી મેચમાં ભારતે 99 રનથી મેચ જીતીને શ્રેણી જીતી લીધી હતી. આ શ્રેણીમાં ભારત 2-0થી આગળ છે. આ મેચમાં ભારતે પહેલા રમતા 399 રન બનાવ્યા હતા. 400 રનનો પીછો કરતા ઓસ્ટ્રેલિયાએ 9 ઓવરમાં 2 વિકેટ ગુમાવીને 52 રન બનાવ્યા હતા. ત્યારબાદ મેચમાં વરસાદે દસ્તક આપી અને વરસાદ બાદ ડકવર્થ-લુઈસ નિયમ (DLS) અમલમાં આવ્યો. આ પછી ઓસ્ટ્રેલિયાને 33 ઓવરમાં 317 રનનો ટાર્ગેટ મળ્યો હતો. આ લક્ષ્યનો પીછો કરતા ઓસ્ટ્રેલિયાની ટીમ 28.2 ઓવરમાં 217 રનમાં ઓલઆઉટ થઈ ગઈ હતી. આ સાથે ભારતે મેચ જીતી લીધી હતી.
ભારતનો દાવ: 399/5
ભારત તરફથી રુતુરાજ ગાયકવાડ અને શુભમન ગિલે ઇનિંગની શરૂઆત કરી હતી. ભારતને પહેલો ફટકો ચોથી ઓવરના ચોથા બોલ પર રૂતુરાજ ગાયકવાડના રૂપમાં લાગ્યો હતો. રૂતુરાજ 8 રનના અંગત સ્કોર પર જોશ હેઝલવુડનો શિકાર બન્યો હતો. આ પછી, તેમની ધમાકેદાર સદીની ઇનિંગ્સના કારણે, શુભમન ગિલ અને શ્રેયસ અય્યરે ટીમના સ્કોરને 200 થી આગળ લઈ ગયા. અય્યરે 105 રનની સદી અને ગીલે 104 રનની સદી રમી હતી. આ બંને સિવાય કેએલ રાહુલે 52 રનની અડધી સદીની ઇનિંગ રમી હતી અને સૂર્યકુમાર યાદવે 72 રનની અડધી સદીની ઇનિંગ રમી હતી. આ મેચમાં તમામ ભારતીય બેટ્સમેનોએ કુલ 18 સિક્સર ફટકારી હતી.
ઓસ્ટ્રેલિયાનો દાવ: 217
આ મેચમાં ઓસ્ટ્રેલિયા માટે મેથ્યુ શોર્ટ અને ડેવિડ વોર્નર ઇનિંગની શરૂઆત કરવા આવ્યા હતા. ઇનિંગ્સની બીજી ઓવરમાં પ્રસિદ્ધ કૃષ્ણાએ ઓસ્ટ્રેલિયાને બેવડો ઝટકો આપ્યો હતો. ઓવરના બીજા બોલ પર તેણે મેથ્યુ શોર્ટને 8 રનના અંગત સ્કોર પર અશ્વિનના હાથે કેચ આઉટ કરાવ્યો હતો. આ પછી ત્રીજા બોલ પર સ્ટીવ સ્મિથ શૂન્યના સ્કોર પર શુભમનાગ ગિલના હાથે કેચ આઉટ થયો હતો. આ પછી માર્નસ લાબુશેન 17 રન, ડેવિડ વોર્નર 53 રન, જોશ ઈંગ્લીસ 6 રન, એલેક્સ કેરી 14 રન, કેમેરોન ગ્રીન 19 રન, સીન એબોટ 45 રન, એડમ ઝમ્પા 5 રન, જોશ હેઝલવુડ 23 રન બનાવીને આઉટ થયા હતા. આ સાથે ભારતે ઓસ્ટ્રેલિયાને 217 રનમાં ઓલઆઉટ કરી દીધું અને મેચ 99 રને જીતી લીધી. ભારત તરફથી સ્પિનર રવિચંદ્રન અશ્વિને 3 અને રવિન્દ્ર જાડેજાએ 3-3 વિકેટ લીધી હતી જ્યારે પ્રસિદ્ધ કૃષ્ણાએ 2 વિકેટ લીધી હતી. ભારતે આ શ્રેણી જીતી લીધી છે. ભારત ત્રણ મેચની શ્રેણીમાં 2-0થી આગળ છે.
ભારત: શુભમન ગિલ, રુતુરાજ ગાયકવાડ, શ્રેયસ અય્યર, કેએલ રાહુલ (કેપ્ટન અને વિકેટકીપર), ઈશાન કિશન, સૂર્યકુમાર યાદવ, રવિન્દ્ર જાડેજા, આર અશ્વિન, શાર્દુલ ઠાકુર, મોહમ્મદ શમી, પ્રસિદ્ધ ક્રિષ્ના.
ઓસ્ટ્રેલિયા: ડેવિડ વોર્નર, મેટ શોર્ટ, સ્ટીવન સ્મિથ (કેપ્ટન), માર્નસ લેબુશેન, જોશ ઈંગ્લિસ, એલેક્સ કેરી (વિકેટકીપર), કેમરોન ગ્રીન, સીન એબોટ, એડમ ઝમ્પા, જોશ હેઝલવુડ, સ્પેન્સર જોનસન.
