શિમલા હિમાચલ પ્રદેશમાં છેલ્લા 24 કલાકથી વરસાદે સમગ્ર રાજ્યમાં હંગામો મચાવ્યો છે. રાજ્યમાં સતત મુશળધાર વરસાદે વિનાશ વેર્યો છે, જેના કારણે રાજ્યમાં ઘણા લોકોએ જીવ (people died due to heavy rain) ગુમાવ્યા છે. છેલ્લા 24 કલાકમાં રાજ્યભરમાં ભૂસ્ખલન, અચાનક પૂર અને વાદળ ફાટવાના કુલ 34 કેસ નોંધાયા છે. જ્યારે આ દરમિયાન 20 લોકોના મોત અને 9 લોકો ઘાયલ થયા છે અને 6 લોકો હજુ સુધી ગુમ છે.
આ પણ વાંચો અલકાયદા સાથે જોડાયેલા 2 શંકાસ્પદ આતંકવાદીઓની ધરપકડ, મળી ગુનાહિત સામગ્રી
હિમાચલમાં 4 દિવસ માટે યેલો એલર્ટ હવામાન કેન્દ્ર શિમલા દ્વારા રાજ્યમાં વધુ ચાર દિવસ વરસાદ માટે યેલો એલર્ટ (yellow alert in Himachal) જારી કરવામાં આવ્યું છે. હાલમાં લોકોને વરસાદથી રાહત મળવાની નથી. આગામી 24 કલાક દરમિયાન મંડી, શિમલા, કાંગડા, કુલ્લુ અને ચંબા જિલ્લામાં પણ ભારે વરસાદની સંભાવના છે. આ દરમિયાન નદી-નાળા ઉભરાવા અને ભૂસ્ખલનની સંભાવના છે. હવામાન વિભાગના નિર્દેશક સુરેન્દ્ર પોલે જણાવ્યું કે, છેલ્લા 24 કલાક દરમિયાન શિમલા, કાંગડા, મંડી અને ચંબામાં ભારે વરસાદ થયો છે. સૌથી વધુ વરસાદ ધર્મશાળામાં થયો છે. ધર્મશાળામાં 24 કલાકમાં 333 મીમી વરસાદ નોંધાયો છે. આ ઉપરાંત રાજ્યના અન્ય ભાગોમાં પણ ભારે વરસાદ થયો હતો. તેમણે કહ્યું કે, 24 ઓગસ્ટ સુધી હવામાન ખરાબ રહેશે. આ દરમિયાન ઘણા ભાગોમાં ભારે વરસાદ પડી શકે છે.
રાજ્ય પર મુખ્યપ્રધાનની નજર મુખ્યપ્રધાન જય રામ ઠાકુરે (Chief Minister Jai Ram Thakur) સિરમૌર જિલ્લાના સરહાનથી વિવિધ જિલ્લાઓના ડેપ્યુટી કમિશનરો સાથે વિડિયો કોન્ફરન્સિંગ દ્વારા રાજ્યમાં ભારે વરસાદને કારણે ઊભી થયેલી પરિસ્થિતિની સમીક્ષા કરી. તેમણે તાત્કાલિક રાહત અને બચાવ કામગીરી સુનિશ્ચિત કરવા તેમજ મહત્વપૂર્ણ સ્થળોએ પર્યાપ્ત સંખ્યામાં બચાવ ટુકડીઓ અને મશીનરી તૈનાત કરવાનો નિર્દેશ આપ્યો હતો.
આ પણ વાંચો જાણો કેવું રહેશે આપનું સાપ્તાહિક રાશિફળ, કઈ સાવધાનીઓ રાખવી
વધારાની ટીમો મોકલવા વિનંતી કરશે મુખ્યપ્રધાન જય રામ ઠાકુરે કહ્યું કે, સફરજન ઉગાડતા વિસ્તારો અને હોસ્પિટલો તરફ દોરી જતા મુખ્ય રસ્તાઓ પ્રાથમિકતાના આધારે પુનઃસ્થાપિત કરવા જોઈએ. પ્રવાસીઓને લપસણી જગ્યાઓ અને નદીકાંઠાથી દૂર રહેવાની સલાહ આપવામાં આવે જેથી કોઈ અપ્રિય ઘટના ન બને. તેમણે કહ્યું કે, કેન્દ્ર સરકારને રાહત અને પુનર્વસનના કાર્યો માટે વધારાની કેન્દ્રીય ટીમો મોકલવા વિનંતી કરવામાં આવશે.
પ્રવાસન વિભાગે બહાર પાડી એડવાઈઝરી પ્રવાસન અને નાગરિક ઉડ્ડયન વિભાગે રાજ્યમાં આવતા પ્રવાસીઓ માટે એડવાઈઝરી જારી કરી છે. વિભાગે પ્રવાસીઓને હિમાચલ પ્રદેશના પ્રવાસનું આયોજન કરતી વખતે સલામત મુસાફરી કરવાની સલાહ આપી છે. પર્યટન અને નાગરિક ઉડ્ડયન નિર્દેશક (himachal tourism) અમિત કશ્યપે જણાવ્યું હતું કે, હિમાચલ પ્રદેશમાં છેલ્લા 24 કલાકમાં ભારે વરસાદ થયો છે અને પ્રવાસન સ્થળો તરફ જતા વિવિધ માર્ગો પર ભૂસ્ખલનની ઘટનાઓ બની છે. તેથી, પ્રવાસીઓને હિમાચલ પ્રદેશ રાજ્યની મુલાકાત લેતા પહેલા સ્ટેટ ડિઝાસ્ટર મેનેજમેન્ટ ઓથોરિટી (SDMA) https://hpsdma.nic.in ની વેબસાઇટની મુલાકાત લેવાની સલાહ આપવામાં આવે છે.
માહિતી કેન્દ્રોનો સંપર્ક કરવાની સલાહ તેમણે કહ્યું કે, જે પ્રવાસીઓ પહેલાથી જ રાજ્યમાં છે તેઓએ નદીઓ અને પહાડી કાંઠાની નજીક ન જવું જોઈએ અને કોઈપણ કટોકટીના કિસ્સામાં પ્રવાસન વિભાગ અને HPTDC ના પ્રવાસી માહિતી કેન્દ્રોનો સંપર્ક કરવો જોઈએ. પ્રવાસીઓને તેઓ જે પ્રવાસન સ્થળોની મુલાકાત લઈ રહ્યા છે ત્યાં જવા માટે રસ્તાઓ વિશે અગાઉથી માહિતી મેળવવાની પણ સલાહ આપવામાં આવી છે.
