નવી દિલ્હીઃ કેન્દ્ર સરકારની અગ્નિપથ યોજનાને (Agneepath Scheme) પડકારતી અરજી પર દિલ્હી હાઈકોર્ટ 20 જુલાઈએ સુનાવણી કરશે. ચીફ જસ્ટિસ સતીશ ચંદ્ર શર્માની (Chief Justice Satish Chandra Sharma) અધ્યક્ષતાવાળી બેન્ચે આ આદેશ આપ્યો છે.
દિલ્હી હાઈકોર્ટ 20 જુલાઈએ સુનાવણી કરશે : હાઈકોર્ટ ભારતીય નૌકાદળની જાહેરાતને પડકારતી અરજી પર સુનાવણી કરી રહી છે, જેમાં તેને ધોરણ 12માં મેળવેલા કટ-ઓફ માર્ક્સ વધારીને ઉમેદવારોની પસંદગી કરવાનું કહેવામાં આવ્યું છે. અરજીકર્તાનું કહેવું છે કે, આ જાહેરાત ભારતીય નૌકાદળમાં પસંદગી માટે જે માપદંડ બનાવવામાં આવ્યા છે તેનું ઉલ્લંઘન કરે છે.
આ પણ વાંચો: કચ્છમાં જુદી જુદી જગ્યાએ ફસાયેલા લોકોની મદદ માટે સામે આવ્યું જિલ્લા વહીવટી તંત્ર
અગ્નિપથ યોજના અંગેની અરજી હાઈકોર્ટમાં પેન્ડિંગ છે : સુનાવણી દરમિયાન સોલિસિટર જનરલ તુષાર મહેતાએ કહ્યું કે, અગ્નિપથ યોજના અંગેની અરજી હાઈકોર્ટમાં પેન્ડિંગ છે અને તમામ અરજીઓની સુનાવણી એકસાથે થવી જોઈએ. જે બાદ કોર્ટે આવી તમામ અરજીઓની સુનાવણી 20 જુલાઈએ કરવાનો આદેશ આપ્યો હતો. એરફોર્સમાં પસંદ કરાયેલા 20 ઉમેદવારોએ પણ અગ્નિપથ યોજનાને લઈને હાઈકોર્ટમાં અરજી કરી છે. તેમની અરજીમાં કહેવામાં આવ્યું છે કે કેન્દ્ર સરકારની અગ્નિપથ યોજનાથી પ્રભાવિત થયા વિના તેમને વાયુસેનામાં જોડવાનો આદેશ જારી કરવામાં આવે.
એરફોર્સમાં પસંદ કરાયેલા ઉમેદવારોને એરફોર્સ X અને Y : એરફોર્સમાં પસંદ કરાયેલા ઉમેદવારોને એરફોર્સ X અને Y ટ્રેડમાં નિમણૂક માટે 2019 માં પસંદ કરવામાં આવ્યા હતા, પરંતુ તેઓ જોડાયા નથી. પિટિશનમાં માંગણી કરવામાં આવી છે કે, 2019 માટે એરફોર્સની એનરોલમેન્ટ લિસ્ટ જાહેર કરવામાં આવે અને તેમને તેમાં જોડવામાં આવે. તેમના જોડાવાની અસર પડી શકે છે.
આ પણ વાંચો: Corona cases in Gujarat: કોરોનાના કેસો ધીમે ધીમે વધ્યા, જાણો શું છે આજનો કરોના રીપોર્ટ
તેઓ એરફોર્સમાં નિમણૂક માટે હકદાર છે : અરજીમાં કહેવામાં આવ્યું છે કે, તેમની નિમણૂકમાં માત્ર છેલ્લો તબક્કો બાકી છે, તેથી તેઓ એરફોર્સમાં નિમણૂક માટે હકદાર છે. જો 2019ની એરફોર્સમાં પસંદગી મનસ્વી રીતે રદ કરવામાં આવે છે, તો તે બંધારણની કલમ 16(1) હેઠળ આપવામાં આવેલા અધિકારોનું ઉલ્લંઘન હશે.
