નવી દિલ્હી: અમેરિકામાં બોન્ડ યીલ્ડમાં વધારો અને ઇઝરાયેલ-હમાસ સંઘર્ષને કારણે અનિશ્ચિતતાને કારણે, વિદેશી પોર્ટફોલિયો રોકાણકારો (FPIs) એ ઓક્ટોબરમાં અત્યાર સુધીમાં ભારતીય શેરબજારોમાંથી રૂ. 9,800 કરોડ પાછા ખેંચી લીધા છે. અગાઉ સપ્ટેમ્બરમાં પણ FPIs નેટ સેલર હતા અને તેમણે રૂ. 14,767 કરોડના શેર વેચ્યા હતા. FPIs માર્ચથી ઓગસ્ટ સુધીના છેલ્લા છ મહિના દરમિયાન સતત ખરીદી કરી રહ્યા હતા. આ સમયગાળા દરમિયાન તેણે શેરબજારમાં 1.74 લાખ કરોડ રૂપિયાનું રોકાણ કર્યું હતું.
FPIનો પ્રવાહ વધ્યો: ફિડેલફોલિયો ઇન્વેસ્ટમેન્ટ્સના સ્મોલકેસ મેનેજર અને સ્થાપક કિસલય ઉપાધ્યાયે જણાવ્યું હતું કે, 'તે સમયે FPIનો આ પ્રવાહ યુએસમાં ફુગાવાના ઘટાડાને કારણે હતો. અમેરિકામાં ફુગાવાનો દર ફેબ્રુઆરીમાં છ ટકાથી ઘટીને જુલાઈમાં 3.2 ટકા થયો હતો. આ ઉપરાંત ફેડરલ રિઝર્વ દ્વારા મેથી ઓગસ્ટ દરમિયાન વ્યાજદરમાં વધારો ન કરવાને કારણે પણ FPIનો પ્રવાહ વધ્યો હતો.
ઈઝરાયેલ-હમાસ સંઘર્ષથી પણ પ્રભાવિત: હિમાંશુ શ્રીવાસ્તવે, એસોસિયેટ ડાયરેક્ટર અને મેનેજર રિસર્ચ, મોર્નિંગસ્ટાર ઈન્ડિયાએ જણાવ્યું હતું કે, 'આગળ જતાં, ભારતીય બજારોમાં FPI રોકાણ માત્ર વૈશ્વિક ફુગાવા અને વ્યાજ દરોથી જ નહીં, પરંતુ ઈઝરાયેલ-હમાસ સંઘર્ષથી પણ પ્રભાવિત થશે.' તેમણે કહ્યું કે ભૌગોલિક રાજકીય તણાવ એક જોખમ છે જેના કારણે ભારત જેવા ઉભરતા બજારોમાં વિદેશી મૂડીના પ્રવાહને અસર થઈ શકે છે. ડિપોઝિટરી ડેટા અનુસાર, આ મહિને 13 ઓક્ટોબર સુધી FPIsએ રૂ. 9,784 કરોડના શેર વેચ્યા છે.
બોન્ડ યીલ્ડમાં સતત વધારો: જિયોજીત ફાઇનાન્શિયલ સર્વિસિસના ચીફ ઇન્વેસ્ટમેન્ટ સ્ટ્રેટેજિસ્ટ વીકે વિજયકુમારે જણાવ્યું હતું કે એફપીઆઇ દ્વારા વેચાણનું મુખ્ય કારણ અમેરિકામાં બોન્ડ યીલ્ડમાં સતત વધારો છે. સમીક્ષા હેઠળના સમયગાળા દરમિયાન, FPIsએ દેશના બોન્ડ માર્કેટમાં રૂ. 4,000 કરોડનું રોકાણ કર્યું છે. આ સાથે, આ વર્ષે અત્યાર સુધીમાં શેર્સમાં FPIsનું કુલ રોકાણ રૂ. 1.1 લાખ કરોડ અને બોન્ડ માર્કેટમાં રૂ. 33,000 કરોડને વટાવી ગયું છે.
- Layoff in IT Sectors: આ ટોચની કપંનીઓમાં થવાની છે હજારો કર્મચારીઓની છટણી, જાણો કારણ...
- Share Market Opening 13 Oct : ટ્રેડિંગ સપ્તાહના છેલ્લા દિવસે શેરબજારમાં ઘટાડો, નિફ્ટીમાં પણ નરમાઈના સંકેત
