કોલકાતા: ભારતીય સિનેમાના દિગ્ગજ ફિલ્મ નિર્માતા અને દિગ્દર્શક તરુણ મજમુદારનું 92 વર્ષની વયે નિધન (Tarun Majumdar Passes Away ) થયું છે. તેઓ ખાસ કરીને મધ્યમ વર્ગના પરિવારોના જીવન પર આધારિત ફિલ્મો બનાવવા માટે જાણીતા હતા. કૌટુંબિક સૂત્રોએ જણાવ્યું કે, ડિરેક્ટર તરુણ મજુમદારનું સોમવારે કોલકાતાની એક હોસ્પિટલમાં નિધન (filmmaker Tarun Majumdar dies at 92) થયું. તેમણે સવારે 11.17 કલાકે અંતિમ શ્વાસ લીધા હતા. તેમની ઉંમર સંબંધિત બિમારીઓને કારણે છેલ્લા કેટલાક દિવસોથી સરકારી SSKM હોસ્પિટલમાં સારવાર ચાલી રહી હતી.
આ પણ વાંચો- રાત્રે સાડા ત્રણ કલાક સુધી તેમને દાખલ થવું પડ્યું, પરંતુ હવે તેઓ ઠીક છે: તેજસ્વી યાદવ
તમને જણાવી દઈએ કે તેણે બાલિકા વધૂ (1976), કુહેલી (1971), મિસ્ટર પૃથ્વીરાજ (1972) અને દાદર કીર્તિ (1980) જેવી સુપરહિટ ફિલ્મો બનાવી છે. તેમને ચાર રાષ્ટ્રીય પુરસ્કારો, સાત BFJA પુરસ્કારો, પાંચ ફિલ્મફેર પુરસ્કારો અને એક આનંદલોક પુરસ્કાર પ્રાપ્ત થયો છે. 1990માં, ભારત સરકારે તેમને ચોથા સર્વોચ્ચ નાગરિક પુરસ્કાર પદ્મશ્રીથી સન્માનિત કર્યા.
આ પણ વાંચો- ખુશ ખબર રોહિત શર્મા કોરોના નેગેટિવ થતા હવે આ મેચમાં જોવા મળશે
ઉલ્લેખનીય છે કે, ગુરુવારે તરુણ મજમુદારને બંગાળના સીએમ મમતા બેનર્જી હોસ્પિટલ મળવા ગયા હતા. મમતા બેનર્જીએ તેમના નિધન પર શોક વ્યક્ત કર્યો છે. તેમણે કહ્યું કે, હું જાણીતા ફિલ્મ દિગ્દર્શક તરુણ મજમુદારના નિધનથી ખૂબ જ દુઃખી છું. તેમણે આજે કલકત્તામાં અંતિમ શ્વાસ લીધા હતા. તેમને પદ્મશ્રી, નેશનલ એવોર્ડ, BFJA એવોર્ડ, ફિલ્મફેર એવોર્ડ સહિત ઘણા પુરસ્કારોથી સન્માનિત કરવામાં આવ્યા છે. તેમના નિધનથી ફિલ્મ ઈન્ડસ્ટ્રીને મોટી ખોટ પડી છે. હું તરુણ મજુમદારના પરિવાર અને ચાહકો પ્રત્યે મારી ઊંડી સંવેદના વ્યક્ત કરું છું.
