નવી દિલ્હી: કેન્દ્રીય ગૃહ પ્રધાન અમિત શાહે ગુરુવારે કહ્યું હતું કે, સંસદમાં 'નેશનલ કેપિટલ ટેરિટરી ઑફ દિલ્હી ગવર્નમેન્ટ એમેન્ડમેન્ટ બિલ' લાવીને સુપ્રીમ કોર્ટના ચુકાદાનું કોઈપણ રીતે ઉલ્લંઘન કરવામાં આવ્યું નથી અને બંધારણ હેઠળ સંસદને તેની સાથે વ્યવહાર કરવાની સત્તા છે. કેન્દ્રશાસિત પ્રદેશ દિલ્હીને કોઈપણ વિષય પર કાયદો બનાવવાનો સંપૂર્ણ અધિકાર છે. 'નેશનલ કેપિટલ દિલ્હી ટેરિટરી ગવર્નમેન્ટ એમેન્ડમેન્ટ બિલ, 2023'ને નીચલા ગૃહમાં ચર્ચા અને પસાર કરવા માટે રાખતા ગૃહ પ્રધાન શાહે કહ્યું, 'દિલ્હી ન તો સંપૂર્ણ રાજ્ય છે કે ન તો સંપૂર્ણ કેન્દ્રશાસિત પ્રદેશ છે. રાષ્ટ્રીય રાજધાની હોવાને કારણે બંધારણના અનુચ્છેદ 239AAમાં તેના માટે વિશેષ જોગવાઈ છે.
-
#WATCH | Pt Jawaharlal Nehru, Sardar Patel, Rajaji, Rajendra Prasad and Dr Ambedkar were opposed to Delhi being given the status of a full state: Union Home Minister Amit Shah on Government of National Capital Territory of Delhi (Amendment) Bill, 2023, in Lok Sabha pic.twitter.com/4sWWatQJko
— ANI (@ANI) August 3, 2023 " class="align-text-top noRightClick twitterSection" data="
">#WATCH | Pt Jawaharlal Nehru, Sardar Patel, Rajaji, Rajendra Prasad and Dr Ambedkar were opposed to Delhi being given the status of a full state: Union Home Minister Amit Shah on Government of National Capital Territory of Delhi (Amendment) Bill, 2023, in Lok Sabha pic.twitter.com/4sWWatQJko
— ANI (@ANI) August 3, 2023#WATCH | Pt Jawaharlal Nehru, Sardar Patel, Rajaji, Rajendra Prasad and Dr Ambedkar were opposed to Delhi being given the status of a full state: Union Home Minister Amit Shah on Government of National Capital Territory of Delhi (Amendment) Bill, 2023, in Lok Sabha pic.twitter.com/4sWWatQJko
— ANI (@ANI) August 3, 2023
દિલ્હી સંપૂર્ણ રાજ્ય નથી : બંધારણના અનુચ્છેદ 239AA હેઠળ, આ સંસદને કેન્દ્રશાસિત પ્રદેશ દિલ્હી અથવા તેનાથી સંબંધિત કોઈપણ વિષય પર કાયદો બનાવવાનો સંપૂર્ણ અધિકાર છે. કેટલાક સભ્યોએ કહ્યું કે આ બિલ સુપ્રીમ કોર્ટના નિર્ણયનું ઉલ્લંઘન કરીને લાવવામાં આવ્યું છે, પરંતુ તેઓ તે સભ્યોને કહેવા માગે છે કે કોર્ટના નિર્ણયના ઇચ્છિત ભાગને બદલે સંપૂર્ણ સંદર્ભ આપવામાં આવે. સુપ્રીમ કોર્ટના ચુકાદામાં પેરા 86, પેરા 95 અને પેરા 164 (F)માં સ્પષ્ટ કરવામાં આવ્યું છે કે કલમ 239AAમાં સંસદને કેન્દ્રશાસિત પ્રદેશ દિલ્હીના વિષય પર કાયદો બનાવવાનો અધિકાર છે. .
દિલ્હીને પૂર્ણ રાજ્યનો દરજ્જો આપવાની ભલામણ : દિલ્હીની ઐતિહાસિક પૃષ્ઠભૂમિનો ઉલ્લેખ કરતા અમિત શાહે કહ્યું કે, પટ્ટાભી સીતારમૈયા સમિતિએ દિલ્હીને પૂર્ણ રાજ્યનો દરજ્જો આપવાની ભલામણ કરી હતી. જ્યારે આ વિષય તત્કાલીન બંધારણ સભા સમક્ષ આવ્યો ત્યારે પંડિત જવાહરલાલ નેહરુ, સરદાર પટેલ, રાજાજી (રાજગોપાલાચારી), ડૉ. રાજેન્દ્ર પ્રસાદ અને ડૉ. ભીમરાવ આંબેડકરે દિલ્હીને પૂર્ણ રાજ્યનો દરજ્જો આપવાનો વિરોધ કર્યો હતો. પંડિત નેહરુએ ત્યારે કહ્યું હતું કે રિપોર્ટ આવ્યાના બે વર્ષ બાદ આજે દુનિયા બદલાઈ ગઈ છે, ભારત બદલાઈ ગયું છે, તેથી તેને સ્વીકારી શકાય નહીં અને સ્વીકારવું એ વાસ્તવિકતાથી મોં ફેરવી લેવું હશે.
કોંગ્રેસે બિલનો વિરોધ કર્યો : શાહે બિલનો વિરોધ કરી રહેલા કોંગ્રેસના સભ્યોને કહ્યું કે તેઓ આજે જેનો વિરોધ કરી રહ્યા છે તેની ભલામણ પંડિત નેહરુએ કરી હતી. તેમણે કહ્યું કે 1993 પછી દિલ્હીમાં ક્યારેક કોંગ્રેસ અને ક્યારેક ભાજપની સરકારો આવી અને બંનેમાંથી કોઈ પાર્ટીએ બીજા (વિપક્ષ) સાથે ઝઘડો કર્યો ન હતો, પરંતુ 2015માં એવી સરકાર આવી કે જેનો ઉદ્દેશ્ય સેવા કરવાનો ન હતો, પરંતુ માત્ર ઝઘડો કરવાનો હતો.
કેજરીવાલ સરકાર પર નિશાન સાધ્યું : શાહે અરવિંદ કેજરીવાલની આગેવાની હેઠળની દિલ્હી સરકાર પર નિશાન સાધતા કહ્યું કે, વાસ્તવમાં તેમનો ઉદ્દેશ્ય કાયદો અને વ્યવસ્થા અને બદલીઓને નિયંત્રિત કરવાનો નથી, પરંતુ તકેદારી પર નિયંત્રણ લઈને 'બંગલો' અને ભ્રષ્ટાચારના સત્યને છુપાવવાનો છે. 'હું તમામ સભ્યોને વિનંતી કરું છું કે ચૂંટણી જીતવા માટે, કોઈનું સમર્થન મેળવવા માટે, કોઈપણ બિલના સમર્થન કે વિરોધનું રાજકારણ ન કરવું જોઈએ.' નવું ગઠબંધન બનાવવાના ઘણા રસ્તા છે, દેશના ભલા માટે ખરડા અને કાયદા લાવવામાં આવે છે અને દેશ અને દિલ્હીના ભલા માટે તેનો વિરોધ કે સમર્થન કરવું જોઈએ. 'હું વિપક્ષના સભ્યોને અપીલ કરું છું કે તમે દિલ્હીનો વિચાર કરો, ગઠબંધન વિશે ન વિચારો. કારણ કે મહાગઠબંધન બન્યા બાદ પણ નરેન્દ્ર મોદી આગામી વખતે પૂર્ણ બહુમતી સાથે વડાપ્રધાન બનવાના છે.
