કોરોનાની કારણે અનાથ થયેલા બાળકો માટે દાખલ કરેલી અરજી અંગે કેન્દ્ર અને દિલ્હી સરકારને નોટિસ

આજે સોમવારે દિલ્હી હાઈકોર્ટે કોવિડથી અનાથ થયેલા બાળકોની સુરક્ષાની માંગણી કરતી PIL પર કેન્દ્ર અને દિલ્હી સરકારને નોટિસ આપી હતી.

• દિલ્હી હાઇકોર્ટે કેન્દ્ર અને દિલ્હી સરકારને નોટિસ ફટકારી
• કોરોનામાં અનાથ થયેલા બાળકોની સુરક્ષા અંગે PIL દાખલ કરાઇ
• બાળકોની સંભાળ રાખવાની જવાબદારી સગા સંબંધીને આપવા અરજી

નવી દિલ્હી : સોમવારે દિલ્હી હાઇકોર્ટે કોરોનાની કારણે અનાથ થયેલા બાળકોની સુરક્ષા માટે દાખલ કરાયેલી PILની અરજીની સુનાવણી કરી હતી. હાઇકોર્ટે આ મામલે કેન્દ્ર અને દિલ્હી સરકારને નોટિસ ફટકારી છે.

યુગલોના મોતને કારણે બાળકો અનાથ થઇ ગયા

કોરોના સંક્રમણનેે કારણે ઘણા લોકોનાં મોત થયા છે. ઘણા યુગલોના મોતને કારણે બાળકો અનાથ થઇ ગયા છે. ઘણા પરિવારોમાં ફક્ત નાના બાળકો જ બાકી રહ્યા છે. આવા કેસમાં અનાથ બાળકોની સંભાળ રાખવાની જવાબદારી સગા સંબંધીને આપવાની અરજી કરવામાં આવી હતી. આ પછી કોર્ટે આ મામલે કેન્દ્ર અને દિલ્હી સરકાર બન્નેને નોટિસ ફટકારી છે.