નવી દિલ્હી: સરકાર સૂચિત ડેટા સંરક્ષણ કાયદા (DATA PROTECTION BILL) હેઠળ નાગરિકોની ગોપનીયતાનું ઉલ્લંઘન કરી (PRIVACY OF CITIZENS) શકશે નહીં અને વ્યક્તિગત ડેટા અથવા વિગતોની ઍક્સેસ ફક્ત અસાધારણ સંજોગોમાં જ મળશે. (DATA PROTECTION BILL WILL NOT VIOLATE THE PRIVACY) ઈલેક્ટ્રોનિક્સ અને ઈન્ફોર્મેશન ટેક્નોલોજી રાજ્ય પ્રધાન રાજીવ ચંદ્રશેખરે આ વાત કહી છે.
ડેટા પ્રોટેક્શન: ચંદ્રશેખરે કહ્યું કે, સરકાર રાષ્ટ્રીય સુરક્ષા, રોગચાળો અને કુદરતી આફત જેવા સંજોગોમાં જ નાગરિકોના વ્યક્તિગત ડેટાને એક્સેસ કરી શકે છે. ઓનલાઈન ચર્ચા દરમિયાન કેન્દ્રિય પ્રધાને કહ્યું કે, નેશનલ ડેટા ગવર્નન્સ ફ્રેમવર્ક પોલિસીમાં ડેટાને ગોપનીય (PRIVACY OF CITIZENS) રીતે હેન્ડલ કરવાની જોગવાઈઓ છે. તે ડિજિટલ પર્સનલ ડેટા પ્રોટેક્શન (DPDP) બિલ-2022ના ડ્રાફ્ટનો ભાગ નથી. સૂચિત ડેટા પ્રોટેક્શન બોર્ડ સ્વતંત્ર હશે અને તેમાં કોઈ સરકારી અધિકારીનો સમાવેશ નહીં થાય. આ બોર્ડ ડેટા પ્રોટેક્શન સંબંધિત બાબતો પર ધ્યાન આપશે.
ડેટા ઍક્સેસ: તેમણે કહ્યું, 'આપણે કહીએ છીએ કે, સરકાર આ કાયદા (DATA PROTECTION BILL) દ્વારા નાગરિકોની ગોપનીયતાનું (PRIVACY OF CITIZENS) અનિવાર્યપણે ઉલ્લંઘન કરવા માંગે છે. શું તે શક્ય છે? જવાબ ના છે. બિલ અને કાયદો ખૂબ જ સ્પષ્ટ શબ્દોમાં જણાવે છે કે એવા કયા અસાધારણ સંજોગો છે કે જેના હેઠળ સરકાર ભારતીય નાગરિકોના વ્યક્તિગત ડેટાનો ઍક્સેસ મેળવી શકે છે જેમાં રાષ્ટ્રીય સુરક્ષા, રોગચાળો, આરોગ્ય સંભાળ, કુદરતી આફતનો સમાવેશ થાય છે' ચંદ્રશેખરે કહ્યું, 'આ અપવાદો છે. જેમ અભિવ્યક્તિની સ્વતંત્રતા નિરપેક્ષ નથી અને વાજબી પ્રતિબંધોને આધીન છે, તેવી જ રીતે ડેટા સંરક્ષણનો અધિકાર પણ છે.'
DPDP બિલ: સરકાર દ્વારા સૂચિત સંસ્થાઓને જે જોગવાઈઓમાંથી મુક્તિ આપવામાં આવશે તે માહિતી સંગ્રહ, બાળકોના ડેટાના સંગ્રહ, જાહેર વ્યવસ્થા માટે જોખમ મૂલ્યાંકન, ડેટા ઓડિટરની નિમણૂક વગેરેના હેતુ વિશે વ્યક્તિને જાણ કરવા સંબંધિત છે. ડ્રાફ્ટ DPDP બિલ વ્યક્તિઓને ડેટા મેનેજમેન્ટ સંસ્થાઓ સાથે વણચકાસાયેલ અને ખોટી માહિતી શેર કરવા પર પણ પ્રતિબંધ મૂકે છે.
વ્યક્તિગત ડેટા સંરક્ષણ: કેન્દ્રિય પ્રધાને વધુમાં જણાવ્યું હતું કે, નેશનલ ડેટા ગવર્નન્સમાં ગોપનીય (PRIVACY OF CITIZENS) અનામી ડેટા સાથે વ્યવહાર કરવાની જોગવાઈઓ છે જ્યારે ડીપીડીપી બિલનો અવકાશ માત્ર વ્યક્તિગત ડેટા સંરક્ષણ પૂરતો મર્યાદિત છે. અમારી પાસે સમગ્ર બિન-વ્યક્તિગત અને ગોપનીય ડેટા સેક્ટર માટે નેશનલ ડેટા ગવર્નન્સ ફ્રેમવર્ક પોલિસી છે. DPDP બિલનો અવકાશ વ્યક્તિગત ડેટા સુરક્ષા પૂરતો મર્યાદિત છે.
