શિમલા : દેશમાં ટૂંક સમયમાં હાઈડ્રોજન ટ્રેન પાટા પર દોડવા જઈ રહી છે. કેન્દ્ર સરકારના જણાવ્યા અનુસાર આ વર્ષના અંત સુધીમાં દેશની પ્રથમ હાઈડ્રોજન ટ્રેન પાટા પર દોડવાનું શરૂ કરી દેશે. ખાસ વાત એ છે કે આ ટ્રેન સંપૂર્ણપણે સ્વદેશી હશે, એટલે કે આ ટ્રેનની ડિઝાઇન અને મેન્યુફેક્ચરિંગ ભારતમાં જ થશે. આ વખતના કેન્દ્રીય બજેટમાં નાણાપ્રધાને ગ્રીન ગ્રોથ થીમનો ઉલ્લેખ કર્યો હતો, આ હાઇડ્રોજન ટ્રેન એ જ ગ્રીન ગ્રોથનો એક ભાગ છે.
રેલવે પ્રધાને શું કહ્યું : 1 ફેબ્રુઆરીએ બજેટ રજૂ થયા બાદ રેલવે પ્રધામ અશ્વિની વૈષ્ણવે હાઈડ્રોજન ટ્રેન વિશે જણાવ્યું હતું. તેમણે કહ્યું કે, દેશની પ્રથમ હાઇડ્રોજન ટ્રેન ડિસેમ્બર 2023 સુધીમાં દોડવાનું શરૂ કરશે. ખાસ વાત એ છે કે સૌથી પહેલા આ ટ્રેન હેરિટેજ સર્કિટમાં ચલાવવામાં આવશે. આ પછી આ ટ્રેનને સમગ્ર દેશમાં વિસ્તરણ કરવામાં આવશે.
આ પણ વાંચો : Child marriage in Assam: આસામમાં બાળલગ્ન સામેની ઝુંબેશમાં 1800 લોકોની ધરપકડ
કાલકા-શિમલા રૂટ પર હાઇડ્રોજન ટ્રેન દોડશે : રેલ્વે પ્રધાન દ્વારા જે હેરિટેજ સર્કિટની વાત કરવામાં આવી છે તેમાં કાલકા-શિમલા રૂટનો પણ સમાવેશ થાય છે, જે યુનેસ્કો વર્લ્ડ હેરિટેજ સાઈટમાં સામેલ છે. રેલ્વે પ્રધાને કહ્યું કે, વર્લ્ડ હેરિટેજ કાલકા-શિમલા રેલ્વે સેક્શન પર હાઇડ્રોજન ટ્રેન ચલાવવા માટે કાલકા, શિમલા અને બરોગ સ્ટેશનોને હાઇડ્રોજન ફ્યુઅલ સ્ટેશન તરીકે વિકસાવવામાં આવશે. આ વખતનું બજેટ ગ્રીન ડેવલપમેન્ટ પર કેન્દ્રિત છે, તેથી રેલ્વેએ પણ આ દિશામાં જરૂરી પગલાં ભરવા પડશે. હાઇડ્રોજન ટ્રેન ડિસેમ્બર 2023 સુધીમાં આવશે અને ભારતમાં જ તેની ડિઝાઇન અને નિર્માણ કરવામાં આવશે. પ્રથમ તે કાલકા-શિમલા જેવા હેરિટેજ સર્કિટ પર ચાલશે અને બાદમાં તેને અન્ય સ્થળોએ વિસ્તારવામાં આવશે.
આ પણ વાંચો : Murder in Chhitaurgarh: રાજસ્થાનના ચિત્તોડગઢમાં BJP નેતાના પુત્રની ગોળી મારીને કરાઇ હત્યા
કાલકા-શિમલા રેલ રૂટ : આ નેરોગેજ રેલ લાઈન પર્વતોની રાણી શિમલા આવતા પ્રવાસીઓને એક અલગ જ રોમાંચ આપે છે. આ રેલ્વે માર્ગ યુનેસ્કોની વર્લ્ડ હેરિટેજ લિસ્ટમાં સામેલ છે. કાલકા-શિમલા રેલ્વે માર્ગ 120 વર્ષ જૂનો છે. કાલકા-શિમલા રેલ રૂટ 9 નવેમ્બર 1903ના રોજ શરૂ થયો હતો. આ રેલવે લાઇન ઉત્તર રેલવેના અંબાલા વિભાગ હેઠળ આવે છે. આ રેલ્વે માર્ગનું નિર્માણ કાર્ય 1896 માં શરૂ થયું હતું. 96 કિમી. આ લાંબી રેલ્વે પર કુલ 18 સ્ટેશન છે. કાલકા સ્ટેશન હરિયાણામાં છે ત્યાર બાદ આ ટ્રેન હિમાચલમાં પ્રવેશે છે. આ ટ્રેન કાલકા-શિમલા રેલ લાઇન પર 103 ટનલમાંથી પસાર થાય છે, જે પ્રવાસને ખૂબ રોમાંચક બનાવે છે. બરોગ રેલ્વે સ્ટેશન પર બરોગ ટનલ નંબર 33 સૌથી લાંબી છે, જેની લંબાઈ 1143.61 મીટર છે. કાલકા-શિમલા રેલ્વે લાઇનને નેરોગેજ લાઇન કહેવામાં આવે છે. જેમાં ટ્રેકની પહોળાઈ બે ફૂટ છ ઈંચ છે.
