INDIA CORONA UPDATE : 24 કલાકમાં 41 હજારથી વધુ નવા કેસ, 518ના મોત

INDIA CORONA UPDATE : ભારતમાં છેલ્લા 24 કલાકમાં કોરોના વાયરસના 41,157 નવા કેસ નોંધાયા છે. જેમાં પાછલા દિવસની તુલનામાં કેસ વધ્યા છે. તે સમય દરમિયાન કોરોના સંક્રમણના કારણે 518 નવા મૃત્યુ થયા છે. શનિવારે કોરોના વાયરસના 38,079 નવા કેસ નોંધાયા હતા અને 560 લોકોના મોત થયા હતા.

• 24 કલાકમાં કોરોના વાયરસના 41,157 નવા કેસ નોંધાયા
• કોરોના વાયરસથી 24 કલાકમાં 518 નવા મોત થયા
• પોઝિટિવ કેસની કુલ સંખ્યા 3,11,06,065 પર પહોંચી

નવી દિલ્હી : કેન્દ્રીય આરોગ્ય મંત્રાલયે રવિવારે સવારે જારી કરેલા આંકડા મુજબ દેશમાં છેલ્લા 24 કલાકમાં કોરોના વાયરસના 41,157 નવા કેસ નોંધાયા છે અને આ સમયગાળા દરમિયાન 518 નવા મોત થયા છે. હવે દેશમાં પોઝિટિવ કેસની કુલ સંખ્યા 3,11,06,065 પર પહોંચી ગઈ છે. જ્યારે કુલ મૃત્યુઆંક 4,13,609 થઇ ગયો છે. દેશમાં સક્રિય કેસની કુલ સંખ્યા 4,22,660 છે.

24 કલાકમાં કોરોનાની 51,01,567 રસી અપાઇ

શનિવારે કોરોના વાયરસના 38,079 નવા કેસો નોંધાયા છે અને 560 લોકોના મોત થયા છે. આરોગ્ય મંત્રાલયના જણાવ્યા અનુસાર, દેશમાં છેલ્લા 24 કલાકમાં કોરોના વાયરસની 51,01,567 રસી આપવામાં આવી છે. જે પછી કુલ રસીકરણનો આંકડો 40,49,31,715 હતો.

• " class="align-text-top noRightClick twitterSection" data="">

ખાનગી હોસ્પિટલોમાં હાલમાં રસીના 2.56 કરોડથી વધુ ડોઝ ઉપલબ્ધ

મંત્રાલય અનુસાર, રાજ્યો અને કેન્દ્રશાસિત પ્રદેશોમાં રસીના 41.99 કરોડથી વધુ ડોઝ ઉપલબ્ધ કરાવવામાં આવ્યા છે. રાજ્યો/ કેન્દ્રશાસિત પ્રદેશો અને ખાનગી હોસ્પિટલોમાં હાલમાં રસીના 2.56 કરોડથી વધુ ડોઝ ઉપલબ્ધ છે.