જાંજગીર-ચંપાઃ છત્તીસગઢના જાંજગીર ચંપા જિલ્લામાં બોરવેલમાં પડી ગયેલા રાહુલને બચાવવાની લડાઈ (Rescue operation to save Rahul of Chhattisgarh) છેલ્લા 43 કલાકથી ચાલી રહી છે. રાહુલ લગભગ 45 કલાકથી 50 ફૂટ ઊંડા ખાડામાં ફસાયેલો છે. દિવાલોમાંથી ટપકતું પાણી બોરવેલની અંદર ભરાઈ ગયું છે. તેને દૂર કરવાની કામગીરી ચાલી રહી છે.
આ પણ વાંચો: 12 વર્ષનો છોકરો બોરવેલમાં ખાબક્યો, 24 કલાક બાદ પણ પ્રતિસાદ ન મળતા હવે રોબોટિક્સની લેવાશે મદદ
મુખ્યમંત્રી ભૂપેશ બઘેલે વીડિયો કોલમાં કરી વાત: આ દરમિયાન મુખ્યમંત્રી ભૂપેશ બઘેલે ફરી એકવાર રાહુલના પરિવારના સભ્યો અને કલેક્ટર જિતેન્દ્ર કુમાર શુક્લા સાથે વીડિયો કોલ દ્વારા વાત કરી હતી. સંબંધીઓને CMએ રાહુલને સુરક્ષિત બહાર કાઢવાની આશા આપી હતી. કલેક્ટર જિતેન્દ્ર શુક્લાએ મુખ્યમંત્રીને બચાવ સંબંધિત માહિતી આપી હતી. ભૂપેશ બઘેલે કહ્યું કે, આખી ટીમ રાહુલને હટાવવામાં લાગેલી છે. બોરવેલની બાજુમાંથી સુરંગ ખોદીને પણ રાહુલને દૂર કરી શકાય છે. બીજા રોબોટ ટેક્નોલોજીથી પણ દૂર કરી શકાય છે. રાજ્યપાલ અનુસુયા ઉઇકેએ પણ કલેક્ટરને બોલાવીને રાહુલ વિશે પૂછપરછ કરી હતી.
શુક્રવારે બપોરે બોરવેલમાં પડી ગયો હતો રાહુલઃ પીહરીડ ગામનો રાહુલ શુક્રવારે બપોરે તેના ઘરની પાછળ રમતા-રમતા બોરવેલના ખાડામાં પડી ગયો હતો. ત્યારથી તેને બચાવવાના પ્રયાસો ચાલુ છે. વહીવટીતંત્ર, સેના અને NDRFની ટીમ 3 દિવસથી બચાવ કાર્ય ચલાવી રહી છે. ગુજરાતના બોરવેલ રોબોટિક નિષ્ણાતો પણ બોરની અંદર મૂકવા માટે પિહરિડમાં રોબોટિક સાધનોનું (Robotic equipment) નિરીક્ષણ કરી રહ્યા છે.
આ પણ વાંચો: જોધપુર: પાંચ વર્ષનો બાળક 300 ફૂટ ઉંડા બોરવેલમાં પડી જતા મોત
ગુજરાતમાંથી રોબોટ એન્જિનિયરો બોલાવાયાઃ કલેક્ટર જીતેન્દ્ર શુક્લા અને એસપી વિજય અગ્રવાલે રાહુલના સ્વજનોને મુખ્યમંત્રી સાથે વાત કરાવી. રાહુલના પિતા રામ કુમાર સાહુએ સમગ્ર ઘટના અંગે CMને જાણ કરી છે અને મદદ માંગી છે. કલેક્ટરે CMને જણાવ્યું કે તેમની સૂચનાથી ગુજરાતમાંથી રોબોટ એન્જિનિયરને બોલાવવામાં આવ્યો છે. જણાવવામાં આવી રહ્યું છે કે, આ રોબોટ દ્વારા ગુજરાતમાં એક બાળકનો સફળ બચાવ કરવામાં આવ્યો હતો. વાતચીત દરમિયાન જિલ્લા SP વિજય અગ્રવાલ પણ હાજર રહ્યા હતા.
