ઉત્તરાખંડ : યમુનોત્રી ધામના દર્શન કરવા ઘોડા પર ગયેલા ગુજરાતના એક મુસાફરનું શનિવારે બપોરે હાર્ટ એટેકથી મૃત્યુ થયું હતું. પોલીસે મૃતદેહનું પંચનામું કરી પોસ્ટમોર્ટમ માટે મોકલી આપ્યું છે. જણાવવામાં આવી રહ્યું છે કે મુસાફર હાર્ટ પેશન્ટ હતો અને મુસાફરી દરમિયાન બેહોશ થઈ ગયો હતો. જે બાદ મુસાફરને જાનકીચટ્ટી હોસ્પિટલમાં લઈ જવામાં આવ્યો હતો, જ્યાં ડોક્ટરોએ તેને મૃત જાહેર કર્યો હતો.
આ પણ વાંચો : Chardham Yatra 2023: શનિવારથી ચારધામ યાત્રાનો પારંભ, શ્રદ્ધાળુંઓએ કરવું પડશે આ કામ ફરજીયાત
દર્શન કરતા પહેલા થયું મોત : યમુનોત્રી ધામ યાત્રા રૂટ પર શ્વાસની બીમારીથી પીડિત મુસાફરના મોતનો પહેલો કિસ્સો સામે આવ્યો છે. ડિસ્ટ્રિક્ટ ડિઝાસ્ટર કંટ્રોલ રૂમ તરફથી મળેલી માહિતી અનુસાર, કનક સિંહ (62) પુત્ર સોબન સિંહ જાનકીચટ્ટીથી યમુનોત્રી ધામ જવા માટે ઘોડા પર નીકળ્યો હતો. કનક સિંહ થોડા સમય માટે ભૈરો મંદિર પાસે ઘોડા પરથી નીચે ઉતર્યો અને છાતીમાં દુખાવાની ફરિયાદ કરતાં બેહોશ થઈ ગયો હતો. તેને ઉતાવળમાં ટ્રાવેલ હોસ્પિટલ જાનકીચટ્ટીમાં લઈ જવામાં આવ્યો હતો, જ્યાં તબીબોએ તેને મૃત જાહેર કર્યો હતો.
આ પણ વાંચો : ચારધામ યાત્રા 2023 આજથી શરૂ, ખુલશે ગંગોત્રી અને યમુનોત્રી ધામના દરવાજા, કુદરતે કર્યુ બરફનું શણગાર
પરિવારજનનોને અપાઇ માહિતી : જિલ્લા આપત્તિ વ્યવસ્થાપન અધિકારી દેવેન્દ્ર પટવાલે જણાવ્યું કે, કનક સિંહ હૃદયના દર્દી હતા, જેનું મૃત્યુ ઊંચાઈએ શ્વાસની બીમારીને કારણે થયું હતું. ઘટના અંગે મૃતકના પરિવારજનોને જાણ કરવામાં આવી છે. અક્ષય તૃતીયા પર્વ પર વિશ્વ પ્રસિદ્ધ ગંગોત્રી અને યમુનોત્રી ધામના દરવાજા ભક્તો માટે ખોલી દેવામાં આવ્યા છે તો બીજી તરફ સીએમ પુષ્કર સિંહ ધામી ગંગોત્રી ધામ પહોંચ્યા અને તહેવાર પર પૂજા કરી અને પીએમ નરેન્દ્ર વતી પ્રતિજ્ઞા લીધી હતી. આ પ્રસંગે મોટી સંખ્યામાં ભક્તો ઉમટી પડ્યા હતા.
