લખનૌઃ ઉત્તર પ્રદેશમાં નજીકના ભવિષ્યમાં યોજાનારી વિધાનસભાની ચૂંટણી (UP Assembly Elections 2022) માટે ભારતીય જનતા પાર્ટી તેનો ચૂંટણી ઢંઢેરો (Election Manifesto BJP) બહાર પાડતા પહેલા લોકોના સૂચનો માગી રહી છે. આ કડીમાં સોમવાર 3 જાન્યુઆરીથી રાજ્યના વિવિધ સ્થળોએ પાર્ટીની મેનિફેસ્ટો મેકિંગ કમિટીના સભ્યો (Members of Manifesto Making Committee) અગ્રણી લોકો સાથે વાતચીત કરશે અને તેમના સૂચનો જાણશે.
3 જાન્યુઆરીથી ભાજપના નેતાઓ વિવિધ લોકોની આકાંક્ષાઓ જાણવા માટે જશે
ભારતીય જનતા પાર્ટીના સહ-મીડિયા પ્રભારી હિમાંશુ દુબેએ (Statement by Himanshu Dubey) રવિવારે એક નિવેદનમાં જણાવ્યું હતું કે, 3 જાન્યુઆરીથી ભાજપના નેતાઓ રાજ્યના વિવિધ સ્થાનો પર વિવિધ સામાજિક, વ્યાવસાયિક, ઔદ્યોગિક, મજૂર, સાહિત્યકારો, શિક્ષકો વગેરે વચ્ચે તેમની આકાંક્ષાઓ (સૂચનો) જાણવા માટે જશે. નિવેદનમાં કહેવામાં આવ્યું છે કે, સાંસદો, ધારાસભ્યો અને અન્ય જનપ્રતિનિધિઓ પહેલાથી જ રાજ્યભરના સત્તા કેન્દ્રો પર આકાંક્ષા પેટીમાં જનતાના સૂચનો લઈ રહ્યા છે. સોમવારથી વિવિધ મહાનગરોમાં મેનિફેસ્ટો મેકિંગ કમિટીના સભ્યોના સ્થળાંતરનો કાર્યક્રમ નક્કી કરવામાં આવ્યો છે.
રાજ્યમાં 30 હજાર સ્થળો પર પેટીઓ સ્થાપિત કરાઈ
દુબેએ વધુમાં જણાવ્યું હતું કે, ઉત્તર પ્રદેશને વિકાસના ધોરણે પ્રથમ સ્થાને લઈ જવા માટે મુખ્યપ્રધાન યોગી આદિત્યનાથ દ્વારા 15 ડિસેમ્બરના રોજ 'યુપી નંબર વન' થીમ (UP no 1 Theme) પર રાજ્યવ્યાપી અભિયાન શરૂ કરવામાં આવ્યું હતું. આ માટે રાજ્યમાં 30 હજાર સ્થળો પર પેટીઓ સ્થાપિત કરવામાં આવી છે.
આ પણ વાંચો: Covid Omicron Variant: ઝડપથી વધી રહ્યું છે સંક્રમણ, દેશભરમાં કુલ 1,525 કેસ
આ પણ વાંચો: Indian Economy will Grow : ભારત વિશ્વમાં સૌથી વધુ વિકસતી અર્થવ્યવસ્થા બની રહેશે : RBIના અધિકારી
