- સિરમૌર જિલ્લામાં વહીવટીતંત્રની નવી પહેલ
- મહિલાઓને ગાયના છાણમાથી દીવા બનાવવા માટે તાલીમ આપવામાં આવી રહી છે
- આ દીવાથી અનેક ફાયદાઓ રહેલા છે
હિમાચલ પ્રદેશઃ સિરમૌર જિલ્લામાં આ દિવાળીને વિશેષ બનાવવાની તૈયારીઓ ચાલી રહી છે. તમે દિવાળી પર માટીના દીવા તો જોયા હશે, તમે ચમકતા ચાઈનીઝના દીવા જોયા હશે. પરંતુ આ વખતે સિરમૌરમાં દિવાળી માટે ગાયના છાણમાથી દીવા બનાવવામાં આવી રહ્યા છે. પશુપાલન વિભાગ અને જિલ્લા વહીવટીતંત્રે મહિલાઓને આત્મનિર્ભર બનાવવા માટે આ પહેલ શરૂ કરી છે.
મહિલાઓને દીવા બનાવવા તાલીમ આપવામાં આવી રહી છે
મહિલાઓને દીવા બનાવવા માટે તાલીમ પણ આપવામાં આવી રહી છે. આ કાર્યક્રમ DRDAના સૌજન્યથી ચાલી રહ્યો છે. સ્વયં સહાય જૂથોને આગળ લાવીને આ કાર્ય શીખવવાનું અને મહિલાઓને રોજગારી મળી રહે તે ઉદ્દેશ છે.
નાહન નજીક બાલાસુંદરી ગૌસદનમાં મહિલાઓને ગાયના છાણમાંથી દીવા બનાવવાની તાલીમ આપવામાં આવી રહી છે. જેથી તેઓને તેમના ઘર આંગણે જ રોજગારી મળી રહે. જ્યારે મહિલાઓ પણ આ કામમાં ભાગ લઈ રહી છે.
આત્મનિર્ભર મહિલા
જિલ્લા વહીવટીતંત્રની આ પહેલમાં હાલ 10થી 12 મહિલાઓને તાલીમ આપવામાં આવી રહી છે. જેઓ અહીં રોજ આવે છે અને ગોબરના દીવા બનાવતા શીખે છે. દેખાવમાં સામાન્ય દેખાતા આ દીવા અનેક રીતે ખાસ અને ફાયદાકારક છે. વહીવટીતંત્ર દ્વારા ખાસ પ્રયાસ કરવામાં આવ્યો છે કે, આ વખતે ગાયના ગોબરમાથી બનાવેલા દીવા પ્રગટાવી દિવાળીનો તહેવાર ઉજવામાં આવે અને આ દિવાળી આત્મનિર્ભર બનવા માગતી મહિલાઓનાં જીવનને પ્રકાશિત કરે. પરંતુ આમાં સમાજની ભાગીદારી પણ ખુબ જ જરૂરી છે.
રખડતા પશુઓની વધતી સંખ્યા
ગાયના છાણમાંથી દીવા બનાવવાની આ પહેલમાં વહીવટીતંત્ર અનેક મુશ્કેલીઓનો સમાધાન શોધી રહ્યા છે. તેમાંથી એક રખડતા પશુઓની વધતી સંખ્યા છે. આ અભિયાન દ્વારા વહીવટીતંત્ર સ્વનિર્ભર ભારતની તરફ પગલાં ભરી રહ્યું છે. તે જ રીતે રસ્તા પર રખડતા પ્રાણીઓની સંખ્યા પર પણ લગામ લાવવા માંગે છે. રસ્તાઓ પર વધતી રખડતાં પ્રાણીઓની સંખ્યા એ દરેક રાજ્યની સમસ્યા છે. રખડતા પશુઓને છોડનારા લોકો ગાયના છાણમાંથી દીવા બનાવી પૈસા કમાઇ શકે છે અને વહીવટતંત્ર લોકોને આ સમજાવી રહ્યું છે.
ગાયના છાણના બનેલા દીવા ઘણાં મુદ્દાઓનું નિરાકરણ સાબિત થઈ શકે છે. હવે જો દીવાળી પર આ દીવા ઓથી રોશની કરવામાં આવે તો મહિલાઓ પણ આત્મનિર્ભર રહેશે, આ ઇન-મેડ-સિરમૌર દીવાનો પ્રચાર પણ થશે અને કદાચ આ દીવાઓના પ્રકાશમાં રખડતાં પ્રાણીઓની સમસ્યામાંથી છૂટકારો પણ મળી શકે છે.
