પાકિસ્તાનના વડા પ્રધાન ઇમરાન ખાનના ટ્વીટ પર ઉત્તર પ્રદેશ પોલીસની પ્રતિક્રિયા

ઉત્તર પ્રદેશઃ રાજ્ય પોલીસને બદનામ કરવા માટે પાકિસ્તાનના વડા પ્રધાન ઇમરાન ખાને રમેલો દાવ ઉલટો પડ્યો છે. ઇમરાન ખાને તેના ટ્વિટર હેન્ડલથી ખોટા સંદર્ભ સાથે એક જૂના વીડિયો પોસ્ટ કર્યો હતો, જેના પર યુપી પોલીસે વળતો જવાબ આપ્યો છે.

સોશિયલ મીડિયા પર ખોટા સંદર્ભ સાથે એક જૂનો વીડિયો પોસ્ટ કરવા બદલ પાકિસ્તાની વડા પ્રધાન ઈમરાન ખાનની નિંદા થઈ રહી છે. જે બાદ યુપી પોલીસે પણ તેમને સામો જવાબ આપ્યો છે.

ટ્વીટર પર ઈમરાન ખાન ટ્રેન્ડ પર

શુક્રવાર સાંજે ઈમરાન ખાને 2 મિનીટની 3 વીડિયો ક્લિપ પોસ્ટ કરીને લખ્યું કે, ભારતીય પોલીસ ઉત્તર પ્રદેશમાં મુસલમાનો સાથે સામુહિક હિંસા કરી રહી છે. જે બાદ આ વીડિયોના કારણે તેમની ખુબ આકરા શબ્દોમાં ટીકા થઈ હતી. ગણતરીમા કલાકોમાં જ તેમણે આ પોસ્ટ ડિલીટ કરી હતી.

ઇમરાન ખાનના ટ્વીટ પર ઉત્તર પ્રદેશ પોલીસની પ્રતિક્રિયા