કાનપુર: વિકાસ દુબે અને તેના સાગરીત દ્વારા બિકરૂ ગામમાં 2 જૂલાઇની રાત્રે થયેલી અથડામણમાં 8 પોલીસ કર્મચારીઓ શહીદ થયા હતાં. આ સમગ્ર ઘટના બાદ 8 પોલીસ કર્મીની હત્યા મામલે દાખલ થયેલી FIRની તપાસ નવાબગંજ ઇન્સ્પેક્ટર રમારકાંત પચોરી કરી રહ્યાં હતાં. આ સમગ્ર મામલે દિવસે દિવસે બિકરૂ હત્યાકાંડમાં નવા-નવા વણાંક સામે આવી રહ્યાં છે. જેમાં હવે એક વધુ નવો વણાંક સામે આવ્યો છે. આ ઘટનાની તપાસ કરી રહેલા અધિકારીને હટાવીને તેના બદલે કેસની તપાસ રેલ ઇન્સ્પેક્ટર દબિઘલ તિવારીને સોંપવામાં આવી છે.
ઉલ્લેખનિય છે કે, 2 અને 3 જૂલાઇના રોજ ત્રણ પોલીસ સ્ટેશનની પોલીસ વિકાસ દુબે અને તેના સાગરીતોને પકડવા માટે ગઇ હતી. જેમાં વિકાસ દુબેના સાગરીત અને પોલીસ વચ્ચે ધમાસાણ સર્જાયું હતું. આ ધમાસાણમાં 8 પોલીસ કર્મચારીઓ શહીદ થયા હતા, જ્યારે 5 પોલીસ કર્મચારીઓ ઘાયલ થયા હતાં. આ સમગ્ર મામલામાં વિકાસ દુબે સહિત તેના સાગરીતોના એન્કાઉન્ટરમાં મોત થયા છે. આ વચ્ચે દાખલ થયેલી FIR મામલે તપાસનીય અધિકારીને કેસ પરથી દુર કરી અને તેના સ્થાને રેલ ઇન્સપેક્ટરને તપાસ સોંપવામાં આવી છે.
