FAO ફૂડ પ્રાઇસ ઇન્ડૅક્સ સાત મહિનાની સૌથી નીચી સપાટીએ
» FAO ફૂડ પ્રાઇસ ઇન્ડૅક્સ* (FFPI) મે 2020માં સરેરાશ 162.5 હતો, તે એપ્રિલથી 3.1 પૉઇન્ટ (1.9 ટકા) નીચો હતો અને ડિસેમ્બર 2018થી તે સૌથી નીચી માસિક સરેરાશે પહોંચી ગયો. કૉવિડ-19ની નકારાત્મક આર્થિક અસરો ચાલુ રહી છે ત્યારે એફએફપીઆઈ સતત ચાર મહિનાથી ઘટી રહ્યો છે. મે મહિનામાં તાજો ઘટાડો બતાવે છે કે ખાંડ સિવાય તમામ સૂચકાંકોની કિંમત ઘટી રહી છે. માત્ર ખાંડ ત્રણ મહિનામાં પહેલી વાર વધી.
» FAO સેરિયલ પ્રાઇસ ઇન્ડેક્સ મેમાં સરેરાશ 162.2 પૉઇન્ટ રહ્યો જે એપ્રિલમાં1.6 પૉઇન્ટ (1.0 ટકા) નીચે હતો અને ગયા વર્ષે આ જ મહિનામાં તેના સ્તરથી ખૂબ જ નજીક છે. મુખ્ય ધાન્યોમાં માત્ર ચોખાના ભાવ જ મે મહિનામાં વધ્યા હતા. આંતરરાષ્ટ્રીય સ્તરે ચોખાના ભાવ ૧ ટકા વધ્યા હતા, મુખ્ય કારણ જાપોનિકા અને બાસમતી ક્વૉટેશન છે, જોકે મલયેશિયા અને ફિલિપાઇન્સથી ચલણ હિલચાલ અને માગણીએ ઇન્ડિકા ક્વૉટેશનને મજબૂત રાખ્યા હતા. ઘઉં બજારોમાં, એપ્રિલમાં વધારા પછી નિકાસના ભાવ મંદીના દબાણ હેઠળ ઘટ્યા હતા, લગભગ 2 ટકા નીચે ઉતર્યા હતા, કારણકે અપેક્ષાઓ નવી ઋતુમાં પણ પૂરતા વૈશ્વિક પૂરવઠા તરફ નિર્દેશ કરે છે જ્યારે ઉત્તર ગોળાર્ધમાં લણણીની ઋતુઓ આવી રહી અથવા ચાલી રહી હોવાથી વ્યાપારિક પ્રવૃત્તિઓ ઘટી રહી હતી. બરછટ ધાન્ય બજારમાં, અમેરિકી મકાઈના ભાવ ગત ચાર મહિનાથી ઘટાડાના વલણને ચાલુ રાખતા મેમાં ગત વર્ષના મે મહિનાથી લગભગ 16 ટકા ઘટ્યો હતો. વધુ નિકાસ પૂરવઠાની વચ્ચે ચારા અને જૈવઈંધણ ક્ષેત્રો તરફથી નબળી માગે આંતરરાષ્ટ્રીય મકાઈના ભાવ પર દબાણ કરવાનું ચાલુ રાખ્યું.
» FAO વેજિટેબલ ઑઇલ કિંમત સૂચકાંક મેમાં 128.1 પૉઇન્ટ ઘટ્ડો હતો. આ રીતે તે વધુ 3.7 પૉઇન્ટ (અથવા 2.8 ટકા) ઘટ્યો હતો અને આ રીતે દસ મહિનાની નીચી સપાટીએ પહોંચ્યો હતો. સૂચકાંકમાં સતત ઘટાડો મુખ્યત્વે નીચા પામ તેલના નીચા ભાવનું પ્રતિબિંબ પાડે છે જ્યારે સફેદ સરસવ અને સૂરજમુખી તેલના ક્વૉટેશન વધ્યા હતા. પામ તેલના આંતરરાષ્ટ્રીય ભાવમાં મે મહિનામાં સતત ચોથા મહિને ઘટાડો નોંધાયો હતો, તેનું કારણ મુખ્યત્વે ખેંચાયેલી ઘટેલી વૈશ્વિક આયાત માગ (જેનું પાછું કારણ કોરોના વાઇરસ રોગચાળો અને ખનીજ તેલના ઘટેલા ભાવ છે) અને મોટા નિકાસકાર દેશોમાં અપેક્ષા કરતાં ઊંચું ઉત્પાદન અને સામાન સ્તર છે. આનાથી વિરુદ્ધ, સફેદ સરસવ અને સૂર્યમુખી તેલના આંતરરાષ્ટ્રીય ભાવ વધ્યા હતા જેનું કારણ યુરોપીય સંઘમાં સતત પૂરવઠાની તંગીનું ભવિષ્ય તેમજ કાળા સમુદ્ર ક્ષેત્રમાં નિકાસ કરી શકાય તેટલો વધારાનો જથ્થો ઘટવો છે.
» FAO ડેરી પ્રાઇસ ઇન્ડેક્સ મે મહિનામાં 181.8 પૉઇન્ટ જેટલો સરેરાશ રહ્યો હતો જે એપ્રિલ કરતા 14.4 પૉઇન્ટ (7.3 ટકા) નીચો હતો. સતત ત્રીજા મહિને તેમાં ઘટાડો નોંધાયો હતો અને એક વર્ષ પહેલાં ઇન્ડેક્સ વેલ્યૂનું જે સ્તર હતું તેના કરતાં 44.3પૉઇન્ટ (19.6 ટકા) નીચો હતો. સૂચકાંકમાં હાજર તમામ ડેરી ઉત્પાદનો માટે ક્વૉટેશન મે મહિનામાં ઘટ્યા હતા, તેમાં માખણ અને ચીઝમાં સૌથી તીવ્ર ઘટાડો નોંધાયો હતો. માખણ માટેનું ક્વૉટેશન ઋતુગત વિશાળ પૂરવઠા, ખાસ કરીને યુરોપમાં, ના લીધે ઘટ્યું હતું જ્યારે ચીઝનું ક્વૉટેશન ઘટ્યું હતું જેનું કારણ ઑસિયનિયામાંથી ઋતુમાં મડા ઊંચા પૂરવઠા નિકાસ વચ્ચે નીચી આયાત માગણી છે. ઊંચી નિકાસની પ્રાપ્યતા અને માલ સતત ચાલુ રહેવા છતાં, સમગ્ર દૂધ પાવડર (ડબ્લ્યુએમપી) અને મલાઇ કાઢેલા દૂધ (એસએમપી) મધ્યમ રીતે ઘટ્યો હતો કારણકે નીચા ભાવ અને ચીનમાં ફરીથી શરૂ થયેલી આર્થિક પ્રવૃત્તિઓથી લેવાલીમાં રસને વેગ મળ્યો.
» FAO માંસ પ્રાઇસ ઇન્ડેક્સ* મેમાં સરેરાશ 168.0 પૉઇન્ટ રહ્યો હતો જે એપ્રિલથી 1.3 પૉઇન્ટ (0.8 ટકા) નીચો રહ્યો હતો. આમ સતત પાંચમા મહિને તે ઘટ્યો હતો. આ સ્તરે, આ સૂચકાંક ગયા વર્ષે આ જ મહિનામાં તેની કિંમત કરતાં 6.3 પૉઇન્ટ (3.6 ટકા) નીચો અને ઑગસ્ટ ૨૦૧૪માં તેણે જે ટોચ પકડી હતી તેના કરતાં 44 પૉઇન્ટ નીચો રહ્યો હતો. મે માસમાં, મરઘી અને ડુક્કર માંસ માટેના આંતરરાષ્ટ્રીય ક્વૉટેશન ઘટવાનું ચાલુ રહ્યું હતું જે કૉવિડ-૧૯ એકબીજાથી અંતર રાખવાનાં પગલાંમાં હળવાશના પગલે પૂર્વ એશિયામાં આયાત માગમાં વધારા છતાં મોટા ઉત્પાદક દેશોમાં ઊંચી નિકાસ પ્રાપ્યતાનો પડઘો પાડે છે. ઘેટાના માંસના ભાવ મધ્ય પૂર્વમાંથી આયાત માગ ઘટવાના કારણે થોડા નીચા ગયા હતા. તેનું કારણ આર્થિક કઠિણાઈ અને સામાન હેરફેરમાં મુશ્કેલી પણ હતી. આની સામે, બોવાઇન (ગોવંશ)માંસના ક્વૉટેશન મજબૂત આયાત માગ અને બ્રાઝિલ તેમજ ઑસિનિયા તરફથી ઘટેલા પૂરવઠાના કારણે વધ્યા હતા, જે પશુ પુનઃનિર્માણ તબક્કાની શરૂઆત બતાવે છે.
» FAO ખાંડ પ્રાઇસ ઇન્ડેક્સ મેમાં સરેરાશ 155.6 પૉઇન્ટ રહ્યો હતો જે એપ્રિલ કરતાં 10.7 ટકા (7.4 ટકા) વધુ હતો. ખાંડના આંતરરાષ્ટ્રીય ભાવમાં મહિને-મહિને વધારો કેટલાક મોટા દેશો, નોંધપાત્ર રીતે ભારત, જે વિશ્વનું સૌથી મોટું ખાડ ઉત્પાદક છે અને થાઇલેન્ડ, જે વિશ્વનું બીજું સૌથી મોટું ખાડ નિકાસકાર છે, તેમાં અપેક્ષા કરતાં ઓછો પાક થતાં થયો હતો. વધુમાં કાચા તેલના ઊંચા આંતરરાષ્ટ્રીય ભાવથી પણ ખાંડના ભાવમાં વધારો જોવા મળ્યો હતો કારણકે ઊર્જાના ઊંચા ભાવથી ખાંડની મિલો ઇથેનોલ ઉત્પાદિત કરવા વધુ શેરડીના પૂરવઠાનો ઉપયોગ કરે છે જેના કારણે વૈશ્વિક બજારમાં ખાંડની ઉપલબ્ધતા ઘટે છે. આવો કિસ્સો નોંધપાત્ર રીતે વિશ્વના બીજા સૌથી મોટા ખાંડ નિકાસકાર બ્રાઝિલમાં જોવા મળે છે.
