પોલીસના જણાવ્યા અનુસાર ગુડ્ડુ ઉર્ફે વિશ્વજીતે મીડિયા પ્રસિદ્ધિ માટે ભાજપ સાંસદ મનોજ તિવારીને ધમકી આપી હતી. આરોપી બિહારના બક્સરનો રહેવાસી છે. તેણે શુક્રવારે બપોરે મનોજ તિવારીના અંગત મોબાઈલ નંબર પર મેસેજ કરીને ધમકી આપી હતી.
અગાઉ ભાજપ સાંસદ પ્રવેશ વર્માને પણ જાનથી મારી નાખવાની ધમકી આપી હતી. ત્યારબાદ દિલ્હી પોલીસ કમિશ્નર અમૂલ્ય પટનાયકને તેની લેખિત ફરિયાદ કરવામાં આવી હતી. પ્રવેશ વર્માએ કહ્યું હતુ કે તેઓ દિલ્હીમાં ગેરકાયદેસર મસ્જિદોનો મુદ્દો ઉઠાવી રહ્યા છે. જેના કારણે તેમને મારી નાખવાની ધમકી આપી હતી.
બીજી તરફ મનોજ તિવારીને મોકલેલા મેસેજમાં તેણે લખ્યું હતુ કે તેને અફસોસ છે અને મજબૂરીવશ મનોજ તિવારીની હત્યા કરવાનો નિર્ણય લીધો છે.
