નવી દિલ્હી: સ્પેશિયલ સેલના સૂત્રોએ જણાવ્યું હતું કે, દિલ્હીમાં થયેલી હિંસાને લઈને તેમની ટીમ ષડયંત્ર અને ફન્ડિંગને ધ્યાનમાં રાખીને તપાસ કરી રહી છે. આ દરમિયાન તેણે જામિયાના વિદ્યાર્થી મીરાજ હૈદરની ધરપકડ કરી હતી. સોમવારે વિશેષ સેલની ટીમે મિરાજના ઘર પર રેઇડ પાડી હતી, જ્યાંથી એક શંકાસ્પદ રજિસ્ટર મળી આવ્યું છે. આ રજિસ્ટરમાં ગત જાન્યુઆરીમાં તેના ખાતામાં પૈસા ક્યાંથી આવ્યા અને કોને કેટલા લોકોને પૈસા આપવામાં આવ્યા છે, તે વિશેની માહિતીનો ઉલ્લેખ રજિસ્ટરમાં છે. હાલ આ રજિસ્ટર સ્પેશિયલ સેલ દ્વારા તપાસ માટે કબજે કરાયું છે. તેમન કેહવા પ્રમાણે, તેને ફોરેન્સિક લેબમાં મોકલાશે, જેમાં તેની હસ્તાક્ષર તપાસશે. આ તપાસ બાદ જાણ થશે કે, આ મીરાજ દ્વારા લખાયું છે કે નહીં.
