સિરોહી જિલ્લાની ભીમાણા રાષ્ટ્રીય રાજમાર્ગ પર મંગળવારના રોજ એક ભીષણ માર્ગ અકસ્માત થયો હતો. જ્યા અચાનક એક સ્પીડમાં આવતી કાર બે ટ્રકની પાછળ ઘુસી ગઇ હતી. આ અકસ્માતમાં 3 બાળકો સહિત કુલ 5 લોકોના મૃત્યુ નીપજ્યા હતા. જેમાથી 2ના ઘટનાસ્થળ પર જ મૃત્યુ થયા હતા. જ્યારે અકસ્માતમાં ઘાયલ એક બાળક સહિત અન્ય 2ના સારવાર દરમિયાન મોત થયા હતા.
જણાવી દઇએ કે કારમાં બેઠેલા તમામ લોકો ગુજરાતના હતા, જે સિરોહી તરફ જઇ રહ્યા હતા ત્યારે એ જ સમયે ડ્રાઈવરને અચાનક નીંદર આવી ગઈ હતી. જેના કારણે કાર બેકાબૂ થતા ઉભા બે મોટા ટ્રક સાથે ટકરાઈ હતી.
આ અકસ્માતમાં 2 યુવકોના ઘટના સ્થળ પર જ મોત થયા હતા. તો ઘણા લોકો કારની અંદર ખરાબ રીતે ફસાઇ ગયા હતા. આ ઘટનાની જાણ થતા રોહિડા પોલીસ અને હાઇવે પેટ્રોલિંગની ગાડી સ્થળ પર પહોંચ્યા હતા અને તમામ ધાયલ લોકોને ગાડીમાંથી બહાર કાઠવામાં આવ્યા હતા. આ અકસ્માતમાં 10 થી વધુ લોકો ઘાયલ થયા છે. જેની સારવાર આબૂરોડના ટ્રોમા સેન્ટરમાં ચાલી રહી છે.
